كینەدۆزی ئۆپۆزسیۆن : ئەبوبەکر جاف .
زەرورەتی ( سۆسیۆ – پۆلەتیكsocio-politique ) و هەوڵ و هەڵپەی دەسەڵات (le pouvoir ) بە فۆرمە جیاوازەكانییەوە , بە پنتە هەمەجۆرییەكانیەوە , بە میكانیزمە پر فڕوفێڵەكانییەوە , بە شەهوەت و كەڵكەڵەی پاوانخوازییەوە ,… ئەو هەستەی لامان دروستكردبوو , ئۆپۆزسیۆن, ( ناچارییەكی سیاسی- مەدەنیانەیەی دونیای سیاسی ئەمڕۆیە…) بەڵام ئەم فۆرمەی ئۆپۆزسیۆن بوون , لە سەرەتاوە دیاربوو جیاوازییەكان ( روئیایی نەبوو, vision, point de vu) . سروشتی ململانێكە la nature de conflit) ) , لە روی سۆسیۆلۆژییەوە زۆر حەقیقەتی پێدەوتین . بەرژەوەندییەكان, میكانیزم و ئەكتەرەكانی ناو گەمە سیاسییەكە و وەستان لە سەر پنتێكی كوێرانەو نا ئەقڵانیانەی ماس و مێگەل (mass, le foule), تەنها و تەنها خەمی بردنەوەو دۆراندن و گۆرینی دەموچاوەكان , حەقیقەتێكی تاڵی پێوتین ( ئەم فۆرمە ( كوردییەی ) ئیۆپۆزسیۆن بوون , لە باشترین حاڵەتدا , دراوێكی كۆمەڵگەی كوردییە و درێژبوونەوەو ئیدامەدانی رقێكی كەڵەكەبووە , كە زەمەنێكی درێژ , هێزێكی سیاسی ناچاركراو بە قسەلە سەرنەكردنی جیاوازییە ( ناوەچەگەرایی – قەبەلی ,شەخسییەكە ) , لە دۆخێكدا بژی ( كە ناچاری هەڵكردنی ) بە سەردا سەپاندبوو ..
ئۆپۆزسیۆن , بە رێژەیەكی بەرچاو , كۆمەڵێك ئەكتەری یاخی بوی)des acteurs revoltes ) رادیكاڵی ناو هێزێكی سیاسی- ئیدۆلۆژی بوو.. تەحەموولی شاردنەوەو درێژەدانی نەبوو , بە بێدەنگی و كپكردنی فەیەزانێكی رۆحی گەورەی ناو یەكێتی بەرانبەر ( ماڵی مەلا موستەفا) … لێرەوە , بیركردنەوەیەكی قوڵی نەدەویست , تا پەی بەو راستییە بەرین , گوتاری (سیاسی – حەماسیانەی ئۆپۆزسیۆن , بەخشینی فۆرم و شەرعییەتی ( ئیدۆلۆژی – سیاسیانە ) بوو بە ململانێكان بە رانبەر پارتی و ماڵی بارزانی .. كێشەكە , كێشەیەكی ( سایكۆ – سۆسیۆلۆژی بوو) بەڵام تەنرا بە پاساوهێنانەوەو )justification )) بە ئیدۆلۆژیاكردن , گەڕان بە دووی شەرعییەت و شەرعییەتپێدان ( la legitimite et la ligitimation ) بەم دۆخە ( پسیكۆپاتییەpsychopathie ) و كردنی بە میكانیزمی سیاسیانەی ( گەمە ) كە ئەم كینەدۆزییە خەریك بوو تیۆریزە و كۆنسیپتوالیزاسیۆن ئەكرا , هەوڵی كردنی بە هێزگەڵێكی ( سۆسیۆ – سیاسیانە ..). گرفتە جەوهەرییەكەی ئۆپۆزسیۆنی ( كوردی بیدعە) بە ڕادیكاڵ , بە كۆنزەرڤاتیزم , بە ریفۆرمخواز , بە فۆندەمۆنتاڵ , میانڕەوەكانەوە , هیچ جیاوازییەكی ( زمانەوانی نییە ) لە گەڵ دەسەڵاتدا.. ( كە ئەمەش هەر بیدعەیەكی كوردییە) .. جیاوازبوون ستایڵە , ستایڵیش زمانە, موفرەدەی جیاواز كە بەرمەبنای ستراكتۆرێكی ( فەلسەفی- فكری ) دامەزرابێت بە هەوڵی ( گۆرینی ئەو واقعە سیاسییە – كۆمەڵایەتییە نەخوازراوەی كە جێگەی بگرەو بەردەیە . ئەدەبیات و ئالییەتی تەعریفكردنەوەی ( دراوەكانە ), هەر هیچ نەبێت دراوە سیاسییەكان, دراوە سۆسیۆلۆژییەكان, بڕێكیش دەستكاریكردنی ( ئایندەیە ) بە خوێندنەوەیەكی جیاواز بۆ رابووردو ئێستا ) .. تەنانەت خەیاڵ و خەیالكردنی (L image et L imagination ) ( وجودی- سیاسیانەی ) هێزە ئیۆپۆزسیۆنەكان, بە ئاشكرا دەچونەوە سەر سولالەی پرۆسەی خەیاڵكردنی ( سیاسیانەی دەسەڵات) .
لە لەحزەی بەریەكەوتنی هێزە سیاسییەكانەوە , ئەكتەرە ئۆپۆزسیۆنەكان, بەریەكەوتوبون , بە داتاشینی ( دوالیزم و پانتاییەكانی : بەهەشت – دۆزەخ , دز و جەردەو شەوكوت و رێگر- مەلایكەتی و پاك و ئەنتی گەندەڵی , نیشتمانپەروەر – خیانەتكار , مۆدێرن – خێڵەكی و بنەماڵەزەدەیی .. ) .
ئێمە هیوایەكمان بە ئۆپۆزسیۆن هەبوو .. قسەوباسی لە ئیشكالییەتە ( ستراكتۆری و بونیادییەكان بكات ) كە هەرچی شەرعییەتی ناشەرعییەكانە لەوێوە خوێنی مانەوەو بەردەوامی هەڵئەمژی …
لە سەرو بەندی كێشەی ( مالێكی و ئەو هێزە بەربەریانەی كە مالكی نوێنەرایەتیان ئەكات , سەرۆكی هەریم بریارێكی دەركرد , بە گۆڕینی زاراوەیەك , كە سەرەتا هێزە سیاسییە كوردییەكان عەقڵیان ئەوەی نەدەبڕی عاقیبەتی خراپی هەیە .. ناوچە ناكۆكی لە سەرەكان , بۆ ( ناوچە كوردستانییەكانی دەرەوەی هەرێم ) گۆری .. لێرەدا ئەم فەرمان و بڕیارە جێگەی هەر بگرەو بەردەو گیروگازێكی ( دەستوری بێت …) ئەوا زەرورەتێكی ( وجودی – سیاسیاسی – مۆراڵی ) سەرۆكێكە كە خەمی تەنها خەمی گەنجێكی بێباكی ئەنارشی و بێمەنت نییە , چارەنووسی وجودی و سیاسیانەو ناسیۆنالیستانەی سەدان نەوەی پاش خۆی , بە گرنگ نەگرتبێت , وەزیفەو كاری ( ئەكتەرێكی سیاسی ) بە تایبەت بۆ نەتەوەیەك كە تا ئێستا كێشەی ( ناسنامەی هەیە ) و دەیان و دەیان ساڵی تر درێژە ئەكێشێت , قەرارەكانی سەرۆك , خەمی نەوەیە نەوەكانی سبەی وا نەزانن . ( كەركوك و خانەقین و بەدرەو جەسان و مەخمورو .. ئەمانە كێشەی ( سیاسیانەی ) نێوان چەند هێزێك بوو , نا , ئەم پرسانە زۆر لەوە قوڵترو مەودا درێژترە كە دەستورناسێك و چاودێرێك و پەرلەمانتارێكی ( پۆپۆلیست و ئۆپۆرتۆنیستی ئۆپۆزسیۆن ) بێت و پێمان بڵێت, ( كێشەكان شەخسین , بریارەكە توشی گرفتی دەستوری دەبێتەوە , بڕیارەكە دەرەنگە , ئەم بەرێزانە .. ( درەنگ و زوویی , ) بە تەرازووی ( كینەدۆزی ) خۆیان ئەپێون. .. ئەگینا ساڵەهایە ( مالكی ) لە سەرو دەستورەوە نەك كێشەیی دەستوری دروستكردووە , بەڵكە خۆی دەستورە ..
زۆر پرانسیپی گەورەی ( نیشتمانی – نەتەوەی ) وامان لێ ئەخوازێت لەودیو یاساكانی بردنەوە دۆراندنەوە , خۆمان بوەستێنین …. لەودیو رق و كینەو گرێی دەرونییەوە لە بەرانبەر ( حەقیقەتە ) مەزنەكاندا , بڵێن دروستەو لە جێگەی خۆیدایە .
935 جار بینــراوە لەڕەهێڵپۆست
