ئەبوبەكرجاف : كتێبی ڕەشی شۆڕش .
( هەمیشە لە قازانجی نەتەوەیەكدایە كە كۆمەڵێك ئەفسانەی پێكهێنەرو دروستكەر زەق بكاتەوە , ڕەونەقی پێبدات . هەروەك چۆن لە قازانجی ئەوكەسانەیە كە دەسەڵاتیان وەرگرتووە و دەسەڵاتیان بە دەستە , لە شاردنەوەو پەردەپۆشكردنی نەخوازراوی ( وزەبروزەنگێك ) كە هەژمونی خۆیانیان هەیە . بەڵام مێژو وەك ئەفسانە خۆی نانوسێتەوە … ) كتێبی ڕەشی شۆڕشی فەرەنسی .
LE LIVRE NOIRE DE LA REVOLUTION FRANCAISE .
LES ÉDITIONS DU CERF PARIS.2008
Sous la direction de
RENAUD ESCANDE
نە شۆڕش بیردەكاتەوە , نە شۆڕشگێڕان بیر دەكەنەوە ..! سیستەمی ئیدۆلۆژی شۆڕش , مۆڕاڵی شۆڕش , بكەرەكانی , دۆستەكانی , دوژمنەكانی , كئ نیشتمان پەروەرە , كئ خاین؟ كئ پاڵەوانەكانی شۆڕشەو كێ هێزی نەیار و پلانگێری شۆڕش … تەواوی ئەم پێناسەكراوانەوە و سەدان تەعریفی تر , سەدان دابەشكردنی ( مۆڕاڵیانە , نیشتمانیانە , نەتەوەییانە بۆ شۆڕش … لە گوتاری شۆڕشدا , لە فەرهەنگ و ئەدەبیاتی ( ئیدۆلۆژی ) شۆڕگێڕاندا , لە پانتاییەكی ( نا ئەقڵانی و بیرلێنەكراوەدان .. نە كات هەیە بۆ بیرلێكردنەوە , نە لە قازانج و بەرژەوەندی ( ئەم هێزەدایە ) بیری لێبكاتەوە , نە لە سودیدایە ( نەفەسێك و ئەتمۆسفێرێكی ) ئارام بۆ بیركردنەوەی ( شۆڕش و بیركردنەوە لە شۆڕش ) دروست بكات . بیركردنەوە لە شۆڕش , بڕێكی زۆر ( شەرعییەت و نا شەرعییەتی شۆڕش و ئەخلاقیاتی شۆڕش و دونیابینی شۆڕش ئەوەستێنێ
بۆچی شۆڕش و شۆڕگێڕان بیرناكەنەوە . ..؟
بیركردنەوە , پانتاییەك و ڕەهەندێكی ستونی هەیە . شۆڕش خەمێكی ئاسۆیی . بیركردنەوە ( ئەقڵ و ئەقڵی رەخنەیی و ڕەخنەی ئەقڵی ئەوێت , داگایی ئەقڵە سەبارەت (بە بیركردنەوەی نا ئەقڵانی و كردەی شەرعییەت ) ی پێدراوەكانی شۆڕش ..
شۆڕش برێكی زۆر چاوپۆشینی ئەوێت لەهەڵە كوشندەكانی شۆڕش لە سەرو بەندی كردەی شۆڕگێریدا , لەو دراو ئەنجامە دورو نزیكانەی شۆڕش دەیەوێت تەحقیق ببێت بەئیرادە بێت , یا دراو دەر ئەنجامی ( نەخوازرا و نەویستراوی ) شۆڕش بێت . ( ئەكتەر و بكەرە كاریگەر و سەرەكییەكانی ) تەنراوە بە ئەفسانە و بە تابۆ كردن و بە موقەدەس كردن و بە پیرۆز ڕاگرتنی ( سەركردەو رابەرانی ) شۆڕش … ( سەرۆك وسەركردەو ئەمیندار و براگەورەكانی شۆڕش ) كاریزماگەلێكن , زۆر جار لە بەرانبەر گومانێكی ئەقڵانی , ڕەخنەیەكی ئەقڵانی , هەڵوێستە وەرگرتنێكی مۆراڵیانە ) , ئەم بكەرانە دەكەونە بەر ( فشۆڵی و لەرزۆكی و بە تاڵبونەوەی سیحری ( برا گەورەكان ) . ئەم ( تەنكبونەوە و كاڵبونەوەی ) (كاریزما و سەرانی شۆڕش و پاڵەوانەكانی ) بە ( ڕەهەندیك كۆتایی دێت , كردەیەك لە بیركردنەوە , لە كردار نواندندا ) مانێڤست ئەبێت ( بە دەر لەوەی ( برا گەورە ) ئەكاتەوە بە ئەكتەر و كەسێكی ئاسای ) , ( یەكێتی ناوەكی شۆڕش و شۆڕگێڕانیش ) درزی تێدەكەوێت . كۆتای بە ( وەهمی موقەدەس ) دێنێت . ئەمەش بۆ بەردەوامی شۆڕش و ( درزنەكەوتنە ئیدۆلۆژیای شۆڕشەوە ) ناچارییەكی پلە ئیمتیازە .
شۆڕش هێزێكی ئیدۆلۆژییە , ئیدۆلۆژیای شۆڕش , تەنراوە بە ئیدۆلۆژیا و ئەفسانەكانی . ( بە تایبەت ڕەهەندی ئەفسانەی ئیدۆلۆژیا لە مێژودا ) . شۆڕش كردەیەكە لە ناو مێژودا , كردەیەكە بۆ مێژو , كردەیەكە, بۆ دابڕانێكی مێژوویی و دەرخستن و دروستكردنی ( ڕوداوێكی مێژووی یا ڕونتر باڵێن ( بە حوزرو پێهێنانی مێژو و ڕوداوێكی ستایشكەرانەوە , ڕوداوێكی تژ شانازی و پاڵەوانی مێژووە , بۆ ئیستا و بۆ ئایندە . ئیدۆلۆژیا تەنها سبەی بە لاوە گرنگ نییە , ئەو سبەی بەلاوە گرنگ و موقەدەسە . ( سبەی چینی كریكار و زەحمەتكێش , سبەینێی نەتەوە , سبیەینێی ئومەت و خەلافەت …) بە ( موقەدەسكرنی مێژووی ڕابردوو , مێژووی هاتوو , یا داهاتووی مێژوویانەی ( ئەو گروپەی خەباتی لە پیناودا ) دەكات . جێگەی دەستلێدان و گومانلێكردن و ڕاوەستان نییە . ( دۆخ و نا زەمەن و نا شۆێنێكی ) ئەفسانەییە , ( كە تەنها كاری ئێمە ( ئیمان هێنان و بڕوا هێنانێكی ئیمانیانە و خەونبینینێكی ئیمانیانەیە ) . نە ئێستا و نە چەندین ساڵی ئایندەش . نابێت ( گومانی لێ بكەین , ڕەخنەی لێبگرین ..! ) ئەقڵی ڕەخنەیی ) ئەگەر ( موئامەرە نەبێت لە شۆڕش ) ئەوا پرۆسەیەكی دواخراوە , تەئجیل كراوە كە كاتێك , كە تەنها شۆڕش خۆی بریاری لە سەر ئەدات كەی بێت و چۆن بێت , ( یا ڕەخنەكە چۆن و لە چی و لە كێ بێت ..؟؟)
ئیدۆلۆژیا بە گشتی . ئیمانهێنانە , ئیمانهێنانیش ( بیركردنەوە و بیركردنەوە نییە لە بیركردنەوەی ئیمانیانە و ئەفسانەیی و سۆزداری و نا ئەقڵانیی شۆڕش و شۆڕگێران .
ئەمانەوێت چی بڵێین :
كە شۆڕش بیرنەكاتەوە , گوتار و بینینێكی ئیدۆلۆژیانەی هەبێت , توندوتیژی و زەبرو زەنگ ( ڕەواو ڕێگە پێدراو بێت , ئینسان لەم پرۆسەیەدا تەنها ئامرازێك بێت نەك ئامانج ,ئەمەش , ئەم توندوتیژییە بە دونیایەك ئەفسانە و ڕەوایەتی و شەرعییەت تەنرابێت , پڕ پڕ بێت لە موحەرەمات و تابو … لەسەرو بەند و كۆنتێكست و هەلومەرجی شۆڕشكردندا , بڕێكی زۆر ( كاری نەخوازراو , پەیوەندی نەخوازراو , یەكللاكردنەوەی كێشەی كەسی و بەرژەوەندی كەسی لە ڕێگەی شۆڕشەوە , دونیایەك خوێنی بە ناهەق ڕژاو ( بە تایبەت لە دادگاكانی شۆڕش و ئیتیهامكردنیان بە خاین و خیانەتكردن ) و هەڵگەڕانەوە و پەیوەندی نەخوازراو , كردنی شۆڕش بە پرد , ئەوانەی بە مەبەست و كەڵكەڵیەكی تایبەت بوون بە شۆڕگێڕ … ئەمانە و دەیان و دەیان ( ڕوداو ڕوپێدراوی ) تر , ئەكتەرگەلێك كە زۆر واردە ڕەشەبا ناچاری كردبن و خستبێتینە ناو شۆڕشەوە … لە تەواوی شۆڕشەكانی دونیادا هەبووە و هەیە , لە شۆڕشی كوردیدا هەبووە … بەڵام سەبارەت بە نوسینەوەوە ناچاربوون بە نوسینەوەی كتێبی ( ڕەشی شۆڕشی كوردی : كێ بینوسێتەوە , چۆن بنوسرێتەوە , لە چ هەلومەرجێكدا دەبێت بكرێتە بەشێك لە خوێندنەوەی كولتوری ڕەخنەیی ئێمە ..؟ دەبێت ئەوە بە ئەرزش و هەند بگیرێت ( دەرئەنجامەكانی نوسینەوە و بەریەككەوتنی ئەم كتێبە لە گەڵ كۆنتێكست و ئەكتەرە هەنووكەییەكاندا چۆن ئەبێت ..؟
بەڵام لە گەڵ ئەم هەموو ( ئەرزشە سیاسی , مۆراڵی , نیشتمانییەی .. ) لە بارەی كتێبەكەوە . ناچارین بە نوسینەوەی ( كتێبی ڕەشی شۆڕش ) .
لە خوێندنەوەی دوو كتێبی ( كتێبی ڕەشی كۆمۆنیزم , كتێبی ڕەشی شۆڕشی فەرەنسی ) لە بری ئەو بەهەشتەی شۆڕشگێران مژدەیان پێدابوو , دۆزەخێكمان بینی .
1,669 جار بینــراوە لەڕە‌هێڵپۆست
