ئەکرەم محمدئەمین : هەرگیز بێدەنگ نەبوم .
هەرلەسەرەتای شۆڕشی نوێ وە سەرەڕای بیرورای جیاواز لە نێو ڕیزەکانی یەکێتیدا کە ئەمەش بەکارێکی زیندوو سروشتی ئەزانرێت .
ئەم شۆڕشە نەیتوانیوە ساتێك بە ئارامی تێپەرێنێت لە مێژوی خەبات و تێکۆشانیدا .
ئەگەر دوژمن بۆ ماوەیەکیش وازی هێنا بێت لە پێناوی خۆڕیکخستنەوە و داڕشتنەوەی پلانی تازەی پەلامارداندا بوە ، ئەوە حزبە نەیارەکانی جاران دۆستەکانی ئیمرۆ نەیانهێشتوە یەکێتی ئارام بێت ، مرۆڤ زۆر گرنگە بەدوو چاو ببینێ و بە گوێچکە ببیستێ بە ویژدانیش بریار بدات .
ئەندام و کادر ئازا هەرگیز نابێت بێدەنگی هەڵبژێرێت لە ئاستی هەلەکاند کە سەرکردایەتی حزبەکەی پیادەی بکات ، پێوستە رون کردنەوەی رونتر داوابکات بۆ راست و دروستی پەیامەکان .
جێگەی شانازیە بۆ هەموو پێشمەرگەو ئەندامەکانی یەکێتی لە رۆژگارە سەختەکاندا بەرنگار بونەوەیان هەلبژارد ، ئەم هەڤالانە زۆربەیان دەرچوی خوێندگا بون لە هەموو قۆناخەکاندا بەشداری شۆرشیان کرد ، کەسانی هەست بەرزو بە ویژدان بون خۆنەویست و ئازا بون .
بەداخەوە کەسانێك هەن ئەگەر ئاورێك لە مێژوی خەباتی کۆمەلایەتی خۆیان بدەنەوە نەیان توانیوە بەردێك بخەنە سەر بەردێك لە خەباتی رزگاری کوردستاندا ، لەسایەی ئەم ئازادیەدا بەراست و چەپدا دەم لە هەموو بابەت ئەسوێ دژ بە یەکێتی .
من لەگەڵ بێدەنگی نیم ، خەڵکی وولاتەکەم پێوستی بە خزمەت و حوکمەتێکی نیشتمانیە ، هێندەم قوربانی داوە لەم پێناوەدا شایەنی سەربەخۆیی و ئارامیە .
کاتێك سەرکردە و ئەندامانی کۆمەڵە و یەکێتی لە ناو زیندانەکانی ڕژێمی بەعسدا ئازایانە بەرەوڕوی دوژمن ئەبونەوەو بە سرودی نیشتمانی و خۆی بە بەرزتر ئەزانی کە دوژمن لەژێر پێوەیەتی کاتێک ئەم بە سێدارەوەیە مێژوی ئازایەتی و قارەمانیان ئەگەیاندە هەمومان ، لەکاتێکدا دوژمن لە بەهێز ترین دەسەڵاتدا بوە .
ئێستا لەسەردەمێکی زۆر جیاوازلە جاران ، کوردستانێکی ئازاد و گرنگ لە ناوچەکەدا و خاوەنی هێزێکی پێشمەرگەی زۆر و ئابوریەکی بەهێز .
هەروەها لەسەر ئاستی جیهانیش کوردستان پەیوەندیەکی باش و بەهێزی هەیە لەگەڵ زۆری ووڵاتانی ناوچەکە و جیهانیش ، لە هەموو گرنگتر هەموو لایەنە سیاسی دەسەڵاتەکان باسی دیموکراسی ئازادی بیرو ڕای جیاواز ئەکەن گرنگی ئەدەن بە مافی مرۆڤەکان گفتوگۆ بە چاکترین چارەسەر دائەنین زۆر گرنگیشە ڕاشکاوانە قسە بکرێت .
لە بەشداری کۆنگرەی( بەدەپە) لە کوردستانی باکوربەڕێز ( مەلا بەختیار) دەنگی یەکێتی گەیاند وەکوی ئەوەی کرا بەڕاستی جێگەی خۆشحالی و پێزانین بوو با برا کوردەکانمان بزانن هەموومان یەك داوامان هەیە و هەرئەم دەوڵەتانە بون نەیان هێشت کورد دەوڵەتی خۆی هەبێت .
زۆر پرسیارهەیە کە بێ وەڵامن تاکو ئێستا چی کراوە یان لە ئاستی داواکاندا نەبون بۆ کوردەکان باکور راستی و دروستی سەردەمی ئیستا و میژووی باس کردوە .
سەرکردە کە قسە ئەکات خوێنەوەی باشی بۆ دوور و نزیك هەیە و تێئەگات لە گۆرانکاریەکان .
لە هەشتا بۆ سەد ساڵی ڕابوردوا کوژرانی هەموو مرۆڤەکان لە ئەستۆی ووڵاتانی ناوچەکەدابون ، ئەگەر دەوڵەتی سەربەخۆمان هەبوایە ئەو ماوەیە نەکەس ئەکوژرا نە کەس دەربەدەر ئەبو ،
بگرە لەوماوە زۆرەدا چاکترین پەیوەندی دوو وولات دروست ئەبوو لەسەر هەموو ئاستەکان .
جا ئیتر چۆن پێوست ئاکات میژویەکی راستی نەلێم ، هەتا کەی لە نێوسکتا قەتیسی بکەیت قەتیس کردنی ئەبێتە تەقینەوەی سکت و خۆتی پێئەکوژیت .
