سەروەر پێنجوێنی : وێنەیەکی دانسقەی پێخەمبەری ئیسلام ( د . خ ) .
ئەمەوێ بزانم موسوڵمانان ڕایان لەسەر ئەم وێنەیەی پێغەمبەری ئیسلام چیە .
وێنەی پێغەمبه‌ری ئیسلام لەسەر مینبەر وتار دەدات بۆ موسوڵمانبوەکان ، لەسەر کێوی ” عەرەفات ” ی نزیک مەککە . نمونەیەکە لە هونەری نیگارکێشیی ئیسلامیی کۆن . لە دەستنوسێکی سەدەکانی ناوەڕاست وەرگیراوە ، کە دەستنوسێکی کتێبە نایابەکەی ( ئەبو ڕەیحانی بیرونی ) ـە بە ناوی ( الآثار الباقیة من القرون الخالیة ) ، کە ئێستە لە کتێبخانەی نیشتمانی لە پاریس پارێزراوە .
ئەم وێنەیە بوەتە ئایکۆنێکی نمونەیی و شەقڵبەستو کە لە بەرگی لێکۆڵینەوە خۆرئاواییەکاندا لەسەر ئیسلام و کەسێتیی موحەممەد دەردەکەوێت .. بۆیە لای منیش وێنەیەکی جوان و خۆشەویستە . بێ گومان وێنەکە کاریگەریی شێوازی ژیانی کۆمەڵگای ئیسلامیی دوای سەردەمی پێغەمبەر و ڕێبازی نیگارکێشیی ئەو قۆناغەی پێوە دیارە .
مەبەستەکەی من ئەوەیە موسوڵمان تاقی بکەمەوە : چونکە ئەوان ئەڵێن ئێمە بە کاریکاتێر توڕە ئەبین .. ئەی خۆ ئەوە کاریکاتێر نیە و وێنەیەکی زۆر جوان و تەقدیسیە .. ئەی بۆ هەر قبوڵی ناکەن ؟ . بەڵام دیارە موحەممەدپەرستی حەقیقەتێکە لە کۆمەڵگای ئیسلامیدا .. ئەگەرنا ، ئەگەر مرۆڤێکی ئاساییە بەلایانەوە ؛ بۆچی نابێ وێنەی هەبێ ؟ مرۆڤی موسوڵمان هەر پێی وایە نابێت وێنەی هەبێت ، مانای وایە وەکو خوایەک بیری لێ ئەکەنەوە .. بۆچی عیسا ، کە لای مەسیحیەکان خوایە ؛ هەزاران وێنەی هەیە و فیلمیشی هەیە ؛ بەڵام وێنەی موحەممەد قەدەغەیە ؟!!!
بەکلیکێک لەسەر سمبولەکانی خوارەوە ، ئەم بابەتە دەگات بە هاوڕێکانت
- Latest Posts by
سەروەر پێنجوێنی : سه‌ركێشیه دڵداریه‌كانی بانگخوازه ئیسلامیه‌كان ، یوسف قه‌ڕه‌ضاوی وه‌كو نمونه‌یه‌كی زه‌ق .
-سەروەر پێنجوێنی : چمكێك له مێژوی داگیركردنی كوردستان و به‌رگریی كورد له نیشتمان له هه‌ڵمه‌تی (فتوحات) ی ئیسلامیدا .
-سه‌روه‌ر پێنجوێنی : ئه‌نفال ـ به‌رهه‌می ناسیۆنالیزمی ( عه‌ره‌بی ـ ئیسلامی ) ی به‌عس .
- All Posts