دکتۆر کەمال میرادەلی : لە بێخەبەران کەشکەک سەڵەوات ـ رووداوی میت و رووداوی ئەوان .
کۆمەڵێ رۆشنبیر یاداشتێکیان داوەتە سەرۆکی هەرێم سنوورێک بو رووداو دابنێت . پوکــــمێدیـــــــــا
هەر پێش دامەزراندنی روودوا و دوای دامەزراندنی مەترسی ئەو دەزگایەم روونکردەوە وەک دەزگایەکی تری کەسیی ، حیزبیی ، جاسووسی بە پارەی دزراوی نەوت دورستکراو ، بە بێ دەستوورو یاساو چاودێریی دامەزارو ، بە ئاشکراو بە رووقاییمیی سەر بە میت و دیفاعکەر لە رژێمی تورکیی وخۆشکەری ئاگری بن کای رق و کینەو و ناکۆکی نەتەوەیی بە تایبەتی جێبەجێکردنی ئەجندای میت بۆ دوژمنایەتی شۆڕشی هەڵچووی کوردی رۆژاواو باکوورودیفاعکردن لە بنەماڵەچێتیی و خەندەقەکانی خیانەت و لەتکردنی جوگرافیای کوردستان و ریگەگرتن لە یەکیتی نەتەوەیی کورد بە بیانووی فشەی دەوڵەتۆکەیەكی سەر بە تورک لە پارچە هەمیشە زیاتر داگیرکراوو، لەتکراوو کوژراوو تالانکراوەی باشووردا گوایە ئەوە پەکەکەیە ناهێڵێ ئەو میرنشینییەی نەوت و خوێن و خیانەت دروست ببێت ، کە گەر دروستیش ببێت ناهێڵن هیچ کارێکی تری هەبێت جگە دوژمنایەتی بەشکانی تری کوردستان و رێگەگرتن لە یەکخستنەوەی بەشەکانی کوردستان و یەکێتی نەتەوەیی کورد و خەباتەکەی و چارەنووسەکەی بۆ هەتاهەتایەو هەر وەک چۆن ولاتانی عەرەبییان لە سایکسپێکۆی پێشوودا دابەش و دوژمن بە یەک کردن.
ئەمە ئاوا رۆیشت تا داعشی دیاری تورکیایان بۆ هێناین و چواریەکی خاکی باشوورو ملیۆنێک کوردیان تەسلیم کردن بۆ کوشتن و بڕین و ژن و مناڵ بردن و شەرەفشکاندن .هێشتاش بێ ئەخلاقانە پەکەکە تاوانبار دەکەن کە شەرەف و ژیانی دەیان هەزار کوردیان رزگار کرد و هێشتاش لەم سی و یەکی ئابەی شەنگال نەبووینەوە ، بێ باک بانگەوازی ٣١ ێكی ئابی تر دژی کوردی باکوورو رۆژاوا دەکەن .
کەچی هێشاش بۆشنبیرەکان لە پالەوانانی ٣١ ی ئابی تازەو نوێ و داهاتوو ، دەخوازن سنوورێک بۆ رووداو دابنێت کە ئەمە کارێکە تەنیا لە توانای میت دایەو بە رازیبوونی تەکتیکی ئەو نەبێت کەس ناتوانێت دەسکاری رووداو وەک ستراکتورو ستراتیجی و ئامانج بکات .
ئەمە دەقی هۆنراوەکەیە کە لە ١٣ ی ئۆکتۆبەری ٢٠١٣ دا بە بۆنەی کردنەوەی رووداو بلاوم کردەوە و پێشبینیی ئەوەم کرد کەنالیک دەىێت بۆ کەوخوێنیی بۆ خوێن و خیانەت ، وەک لە سایتی پەیجی تەنیا شیعر و دوایی لە زۆر سایتدا بڵاوبۆوە . وەک دیارە زیاتر لە ٨٥٠ لایکی هەبوون لەگەڵ زۆر کۆمێنتی باش و خراپ .
ئەم کەوە چۆن بیر دەکاتەوە ؟
دە سالە نەمخوێندووە بۆ خوێندنەوەی خوێنی خۆم
بەلام دەزانم هێلکەکانیان دزیوم
باڕە بیژووەکان ئەمڕۆ یان سبەی هەڵدەفڕن
بە چرپە، بە سرپە ، بە خرپە .
ئەوسا بە قاسپە بۆ خیانەت و خوێن دەخوێنن
ئەوەیە داوی [رووداو] ی ئەمڕۆ
راوی سبەینێ
کارەساتی دوو سبەی
نێچیڕوانەکانی ئەتاتورک
چاویان لە قەندیل و قامیشلی بڕیوە
دەیانەوێ بۆڕی نەوت بە ناو خوێنی مندا تێپەڕێ
قاسپەی خیانەت
قاسەی بێ حیساب
خوێنی بی خاوەن !
