ئەبوبەکر جاف : وەستان لە سەر وێنە . ” خاڵەی ئەکواپارک ” ستراتیژو هەژمون پییەر بۆردیۆ لە ئەکواپارکی چاڤی لاند لە سلێمانی.
وێنە و وێناکردن ، وێناندن و بەرهەمهێنانی وێنە هەرگیز بێلایەن نییە ، ئێمە لێرەدا بێلایەنی وەک چەمک تێگەیشتنێکی بۆردیۆیمان بۆ هەیە ، واتە بێلایەنی یان وەهمێکی گەورەیە ، یاخود لە باشترین دۆخیدا میکانیزمی بەرهەمهێنانی حوکم و بڕیارو هەڵسەنگاندنە،خۆ رەنگە ستراتیژەکانی پشتەوەی وێنە لە ناو کایەی گەمەدا شاراوەو نهێنی بن. واتەبەو ئاستێکی ئاشکرایی پەیپێنەبەین.وە بە ئاشکرایی ئەکترەکانی پشتەوەی خولقاندن و بەرهمهێنانی وێنە نەبین.بەڵام وێنە و وێناکردن لە ناو “ستۆدیۆ و سیناریست و مۆتتێرو گەمەکانی ناو کایەی مێدیادا مەحکومە و ناچارە بە وەی بە دەستی هابیتوس و ستراتیژییەکانییەوە ئاراستە وەربگرێت.کەواتە بێلایەنی و سەربەخۆیی ڕاو سەرنج و وێناکردن و ڕادەربڕین و حوکمدان و گواستەنەوەی وێنەو گواستنی واقع..وەهمە،یان ئەفسانەیە .
لە خاڵەی ئەکوا پارکدا چی دەبینین :
دەزگایی خێزانی نا “غەیرە “- سلێمانی .
جاری پێش هەرشتێک پێشیاندان و پیِچوخستنی منال لە گەمەیەکدا کە ستراتیژییەتێکی تایبەتی بەرهەمهێنان و هەیمەنە کردنی هەیە،میکانیزمێکی باشە بۆ کۆکردنەوەی زۆر ترین سەرنج.وەستان لە سەر منال یانی وەستان لە سەر شێوازی پەروەردەکردن.خوشکەزاکان بە گەلەیین بۆچی خاڵە (ماڵ و مناڵی نەهێناوە)، خاڵەش وەک ئەوەی (زاوای ناوچەیەکە لە سلێمانی ناچارکراوە بێ ئاگاو جاهل بێت بەرانبەر شوێنێک بۆ ڕابواردن و کەیف و سەفا.بۆچی بێ ئاگایە؟چونکە دەزگایەکی خێزانی نا-سلێمانی تەنیا ئەەوەی لە خەیاڵیان نەبێت ” گەشت و گوزار و نەشوە وەرگرتنە . تەماشاکە . بەڵام خاڵە هێشتاکە لە ماڵو مناڵ بە ئاگاترە! بۆ چون بە ئەێڵ خەلقی شارەکەیە.خەلقی شارو ئەێڵزادەیی شار دەبێت لایەنی کەمی زانیاری هەبێت . بەڵام ماڵو مناڵی نا-سلێمانی هەرگیز بە حوکمی دیتێرمینیزم و جەبری “هەولێریبون) ناتوانن .
ستراتیژو بەرهەمهێنانەوەو هیمەنە لە ڕێگەی جەستەو ستاتیکای جەستەوە :
تەماشای کێشو قەدو باڵاو فۆرمی جەستەی خاڵەو مناڵەکان بکەن و تەماشای کێش و جوانکاری و ڕێکو پێکی جەستەی ماڵ (زاوا و خوشکە زا)،ڕێک ستراتیژێک هەیە،ستراتیژی بەرهەمهێنانی وێنایەکی (شارشتانیانەو بە تەنگەوە هاتنی جەستەو سیستەمی خواردن و وەرزشکردن)! ئەوەی لە خێزان و خانەوادەیەکی (هەولێر یان نا-سلێمانیدا ونە و بێدەرەبستن بەرانبەری،ئاگا لێنەبون و خەمنەخواردنی سیستەمێکی خۆراکی مۆدیرنە بۆ جەستە.لەش و لاروێکی ڕێکی خانەوادەی خوشکەزاکان چیمان پێ دەڵێن؟ پێمان دەلێن ئێمە بە ژیانێکی هاوچەرخىەوە سەرقاڵین،ئێمە دەزانین بژین،ئێمە لە ئەنجامی شارەزایی و سەرکێشی و سەرەڕۆیماندا دەزانین ژیان چییەو چۆن دەگوزەرێت . بەڵام ئێوە ی نا-سلێمانی ( گرنگی و خەمی جەستەو ستاتیکای جەستەتان نییە،تەنیا پارەکۆکردنەوەو خواردن و کارکردن ! قەڵەوی لەم سیاق و کۆنتێکستە سۆیسۆلۆژییەی کۆمەڵکەی کوردی و شارێکی وەک سلێمانی ئاماژەی خەریک بون و سەرقاڵبونە بە شتێکی ترەوە کە “ژیان نییە “.
زمان و بەرهەمهێنان و بەرهەمێنانەوەیهەیمەنە .:
بونی ئێستاو ئێستای بونی سۆسیۆلۆژییتەنانەت ئۆنتۆلۆژیش برێکی بێ ئەندازە لە زماندایە.زمانیش لە شاردا چۆنێتی گۆکردن و ڕێکخستنی وشەو موفرەدەکان و گەیەی جیاوازی هەیە.موفرەدەکانی “خاڵۆ ژن” ،”هاوسەری خاڵە)چ گۆکدنێکیا هەیە “لە کوێندەری،لە کوێندەری”؟ ئەم گۆکردنە بێئاگایی ئافرەتێکی نا – سلێمانی بەرهەمدێنێتەوە کە تەنیا دەکرێت ئافرەتی ماڵەوە بێت.وێنەی خاڵە لە کوێوە دەبینن؟ لە تیژڤیییەوە،بۆ چون وێنەی قسەوباسو دەمەتەقێ و گفتوگۆی سەرمێز دانیشتن نییە،بۆیە دەبێت تۆی بینەر تەنیا سەرسام و ئالودەی سحرری وێنە بێت . بۆچی خاڵە بە تەنیا دەرکەوتووە و ماڵ و مناڵی نەبردووە،ڕەنگە بۆ خاڵەیەک کە زاوای هەولێریانە نەکرێت خێزان ببات . چونکە باسی ئەوەشی نەکرد ( بلیتی بۆ مناڵەکان بڕیبێت ؟!).
زۆر میکرۆ شتی تر کە دەکرێت لە سیمۆلۆژیاو زانستە کۆمەڵایەتی –مرۆییەکاندا ستراتیژو بەرهەمهێنان وبەرهەمهێنانەوەو گەمەو بە سێنەتەرو بە کەنارکردن..ببینین،لە میانەی وێنەو وێناکردنێکی میدیاییدا لە شاری سلێمانی.بۆ ئەمەش بۆردیۆ زۆر بوێرانە هاوکارمان دەبێت .
