کاردۆخ : شنگال ، کانگەها ڕۆناهی ئو تیشکێت ئێزدان ئا پاک و پاکژی .
تێبینی / ئەم نوسینەی کاک کاردۆخ ، لەگەڵ ڕەوشی ئەمڕۆی کوردستاندا نەگونجاوە ، بەڵام دیموکراسی و بیلایەنی لەم سایتەدا دەروازەکەیمان بۆ دەکاتەوە .
گاڤا ژ عەدەم خودێ کر ئیجاد ئەڤ کەون و مەکان ژ نووڤە بونیاد
مەوجوود کرن ب هەڤ موعەیەن ئەزداد کرن ب زد مۆبەیەن
ئەحمەدی خانی
ئەوا جارەکا دن هێزێن تاریکی و ئەهریمەنی دیسا جووڵاوە وکەتیە وێزەی مرۆڤایەتی. دیسان هێزێت دژە مرۆڤ ئا قرێژ و مێشک و دەروون پیس، ژەهرێت خوە ئا چەپەل ئەپرژینێ و پەلەقاژەی بریندارکرنا مرۆڤایەتیەتی . وان پاشاخوڕێت سەلوینکێت قریژا ئا میژویا مرۆڤاتی، ما چیرۆکا مریەما قبتی ئا میسری ژبیرکرنە؟ ولۆ دەستێت پیس و چەپەلێت خوە درێژ دکەنە سەر خانمێن مە پاک ئو ڕۆناهی پەرەست . خەیاڵیان خاوە و ڤی جار ژی وەکی جارێن بەرێ، ڕۆناهی و تیشکێت ئێزدان وان بپەلەقێنێ و وان باوێتە قووڵایێت تار و تاریکا مێژووێد خوە ڕەش و ڕووڕەشی ئو ب زنجیرێ ڕووناکی و دەروون پاکیی وان لە بن پیی مرۆڤایەتی شەتەک ئەدات و وان بپەلەخینێ .
وەکی خانی دەبیژێ ڕووناهی ب تاریکی دێت خویا بوون . ئەمێ ژی دیت کو چیایێ شنگال ، مەکۆیت کەڤنارا ئا ڕووناکی ، ئیرۆ بوویە نیشانا ئا بەرز و پیرۆزی جانێ مرۆڤ و مرۆڤایەتی . شنگال و شنگالیان هەست و خوستێن مرۆڤێن کورد لە تم کەلێن وکونج وقوژبنێن کوردستان خڕ هێنایە جۆش وخرۆش و کورد و کوردستان ئیرۆ خڕ بونەتە شنگالی . نە بە تەنی کوردستان ، بەلکو تێکرای جیهانی مرۆڤایەتی ئیڕۆ بە شنگال و شنگالیان ڕا بوونەتە دۆست و برا و ئالیکار . شنگال و شنگالیان ئیرۆ گشت سنور و جیاوازێن ناڤبەرا مرۆڤاتی ڕاکرن و هەمیان خڕ بوونەتە ئێک دەنگ لە دژ و ژ هەمبەری دل و مژیا ڕەشی ڕەش پۆشانی رەشایی ئو ڕەش و ڕەشایی پەرەستان .
بنەرە دەرویشێ شیخێ عەڤدی چاوا جیهانی وان رەش پەرەستان دیار دەکەتن :
چ دەمە ، چ دەورانە
زەمان زەمانێ بێ باڤانە
هەیام هەیامێ بەد ئەسلانە
ئاخا مە خەلاس دبە ژ پیسانە
یەقین دکم نها … مە برچینا ، خۆ دانە بەر دیوارانە
گۆ ئەڤا کۆنا کۆنێ نەمەردانە
باهۆزیت ئا دل و مژی چۆل و چۆل پەرەستان هەل کر و داباریە ولات و نیشتمانی ئێزدان و ئێزدان پەرەستان . چیایێ شنگال ژ دوور ڕا ئەڤ دیت و گازیا مرۆڤیت خوە ئا کەڤن ئارا کر ، کا دێ وەرن با من ، وەزێ هونێ بپاریزم . وەزی بانگا وە ، کال و پیران ، خورت و جوانان ، ژن و میران ، کور و کیژان بگەهینمە گشت جیهانێ . ئەڤ چ دەمە ، چ دەوران ، کالێ نورانیێن مە بێ هەدمانە . گەنج خەلیلێن مە کەتنە بەند و زیندانە . پەریێن تاوسێ فریشتە بی ناو و نیشانە . بەغدا و بەغدادیان ئا تاوان ئوهۆڤانی ، مەنسورێ هەلاج و پەیڤێت ” وەزێ ڕاست و ڕاستیمە ” ( انالحق ) ، ئانینە داوینا من . هۆ مەنسوورێن زەمانە ، هونێ دێ نامرن ئو مەنسوور ئاسا، ژ دلێ هەمیان ، دێ بمێنن . دە ڕابە ، دە ڕابە ، لەهەنگۆ دە ڕابە ، مەنسوورێ باوەکال دە ڕابە، هەسپێ تەیێ ئا سپی ئو بەلەز زین کریە و ئامادەیە ، دێ سوار بە ، ” وەرە دا با بچینە لالەش “، ” دا سینە پی جەلا دەین رەوشەن بکین دلێ رەش ” (مەلای جزیری) .
ژ پەرییان ڕا ، ژ پەریێن تاوسێ فریشتە ڕا ، ژ گولیلکێ شنگال ڕا ، ژگەنج خەلیلێن ئێخسیر ڕا ، ژ خانمێ خانمان ڕا ، ئەمێ ڕابین سەر چیایێ شنگال ، ئەمێ ساز بکین کراس و لەچکێک ئا بدەو و خوەش و رەنگین ، ئەمێ پەڕێن ئا د پڕ نازک و رەنگینێ گول و گولیلکێ گولزارێن گشت کوردستان خڕ کۆ بکەین ، ئەمێ بدەینە دەستێ وەستاکارێت زەمین و زەمان و ئا زەمانە ، داکو ژ مەرا چێ کەت بەرگەک ، شیێت ژپەرێین ئیخسیرین مە را ، ئەمێ بێهن و بەرامەێت خوەش ژ چوار قورنێ جیهانێ را بێنین ، ئەمێ ئاڤێت د پڕپاکژ ژ چاوکانیا ئەڤین و خوشەویستی ئا ژین و ژیان ، تێکەل بە تیشکێت پیروزێ یەزدان بکەین ، ئەمێ بەرگێت پەریێن خوە بە وان ڕا پیرۆز بکەین ، ئەمێ دیاریا خوە بە رووندکێ چاڤێت گەشێن ئا زارۆک و زارۆلەیت خوە بخەملێنین ، ئەمێ پیکەنین و بزە و خوشیێت وان زارۆکان بکەینە سترانێت ئا پڕ سۆز و هەستێت ئا ژین و ژیان ژ پەریێن خوە ڕا ، کا ئەمێ دەف و بلوور و شمشالێت لالەش و ساز و تەمورەێت فاتمە خانمی لورستان گازی بکین ئو کەلامێت پیر و باوەیەل و چریکەێت زاگڕۆس تێکەل ب هۆرە و سیاچەمانە و لاوک و حەیران و بەستە و مقام بکەین ئو “سەمفۆنیای پەریێن شنگال ” بسترێین ، یادگارەک ئا پیرۆز ژ لەیلا، دوت خانما سەردارا سەرداران و ژ تەوارا جەستە بە گوللە ئاژین کراوی ڕۆژهەلات بگرین ئو ب ڕەوشا وەستایێ جافان بدورینە سەر کراس و لەچکێت ئا پیرۆزا دایکیێن هەلبجە و گەرمیان و بارزان. دێ وەرن ، وەرن هون وەرن، هوزێن عەگید و میرخاسان، وەرن هون شێرە ژن و خاسە ژنێن ولات و نیشتمانی ڕووناکی و پاکی، دێ ورەن سوارکارێن کەڵهۆر ، لور ،گۆران ، بابان ، سۆران ، ئەردەلان ، جاف ، مەنگور ، شکاکان ، جزیرە و بۆتان و بارزان ، ئامەد دێرسیم ، پاڵە و گەنجۆ ونەهری ، سەر خەت بن خەت سەرحەد، ئاگری ، سێ سنور، هون وەرن ڕیز ب ڕیز وەرن ، وەرن سەرێ مەیدانێ ، کا، هۆن پێیابن ژ هەسپێ خۆە، چۆک دابدەن و سەریێت کرنۆش ژ بەر پەریێن شنگال ڕا بچەمینن ، بتەوینن ، دا ئەمێ دیاریێت خوە رێکەین ئو بدەین ب هەسپێک بالدار و سپی و تیژ ڕەو و بدەوئا ناڤ داستان و ئەفسانان ، ببێژین هەرە ، بچۆ ، بلەز هەرە ،داکو خەلاتێن کوردان بگهێنێتە پەریێن مە ئا دەلال و سەرفەراز ، داکو نەبیژن پەریێن تاوسێ فریشتەێ مە، زار و ” بێکار و بارن ” (گەنج خەلیل)، دا ” جامد و نەزەر لە خوار و خەرتەبێعەتێن د ئەبلەه و کۆر ” (جزیری) بزانبن کو” قەدرێ گولان چ زانێت، کەربەش دەڤێت کەرێ رەش ” (مەلای جزیری) .
هۆ مرۆڤ ، هۆ مرۆڤایەتی وەرن، ببەین داستان و ئەفسانەێت پەریێن شنگال. ئیرۆ پەریێن مە شانۆێت ئا کەلا دمدم د شنگالێ دەلیزن . وان باش پەهلەوانان ، شێرێن گرتوخانان پەیام ژ فڕۆکە و فڕۆکەوانان شیاندنە ئو ژ وان دخازن بۆمبێت خوە د پڕ گران ئو وێرانکەر سەر گرتوخانا وان ببارێنن داکو جانێ وان شێرێن ژ بەندێ ئەوان ئەهریمەنان ڕزگار ببێتن . خانمێ مە ئا بچیک بە پێخاوسی، برچی و تینی ، هیلاک و شەکەت، بنارێت چیاێی شنگال دەگەڕێ کا بەلکی ئاڤا ببینێت و کە دیت ژی، دداتە خویشک و برایێت ژ خوە بچیکتر. کا وەرن مرۆڤێن قەنج، ژ فێرگەها زارۆکێن شنگال و پەرەیێن پاکی و پاکژی مرۆڤێت ئا یەزدان فێر بن، کا چاوا پشتی کۆچێت دور و گران وپڕوکێنەرێت ئەزمونا خۆە، سەر و چاڤێت خۆە بە یەکەم ئاڤ ڤەشورتن و کنجێت خوە ئا رەنگین و ئال وال پاکژ کرن و دیسا بزە وکەنینا خوە ئا شیرین ڤەژاندن و هێزێت ژیان دانە هەمیان. سەرەێت ئا نان و ئاڤ و خوارن ببین، چ دەبینی؟ زنجیرەیەک خانمین ئا رەنگین و دەلال و خۆشک، چاڤ و دل گەش، لێڤ بە بزە و ساڕێژ و تژی لە هێڤی و ئەڤینێت مرۆڤاتی. تە دەگۆ وان بچیکان بوینەتە مامۆستایێن ژیان و وانەیێت ژین و بەردەوامی ژیان دەبێژنەڤە.
شنگال و شنگالیان بونە دەستە خوشک و دەستە برای هەلبجە و گەرمیان و بەهدینان و بارزان و ژانێت سەرخۆە بونا گەل و نەتەوەی کورد ئازاری دەدات. شنگال پردەبازی ڕزگاری کورد و کوردستانە، چیای شنگال بە پەیکەرێن شەهیدێن کوردستان را خەملی. دۆه، ڕوژهالاتیێک، دەستەیەک گولیلکی نەکەرۆز بە دەستەوە و ئیرۆ ژی ڕۆژئاوایێک بە چەپکەیک تیشکی بەدرخانی ڤەوە جانێن خۆە بەخت کرن ژ رێیا سەرخۆەبونا کورد و کوردستان. شنگال مرۆڤێن کورد گەهاندە ئێک و دو. کەوێن چەکێن ڕۆژهەلات و ڕۆژئاوا تەڤ باشور و باکور بە هەڤڕا دقاسپێنن ، لاوکا ئێک بونا کوردان ژسەر شەقام و کۆلانێن باژێر و گوندێن کوردستان هەر ژ دێرسیم را هەیا سنە و کرمشان بە هەڤڕا تێت گوتن، کوردستان گشت شنگالە و شنگال گشت کوردستانە. شنگال هەم ئەزمونە و هەم ئەزموونگەها کوردێنی و عەگیدی. شنگال د شەڕێ ڕۆناهی دژی تاریکی سەرکەت و بێهتر سەر ژی بەکەڤێت. داستان داستانا هەزاران سالەیە و تو هێزێک نینە چرا و تۆڤێت ژیان و ڕووناکی د شنگالێت کوردستان ڤەمرینێت.
لێ هەنە کو ژ شنگال و شنگالیان و ژ ئایینێ روناکیێت ئا ئێزدانی تێ نەگەهیشتنە . سەرێن پ ک ک لیستکەک ئا نەباش و قرێژ دەلیزن . نان و ئاڤیت شنگالیان دەبڕن و دەبێن چ دێتە کرن ، گەرەک ئەمێ بکەین . وان ئالیکارێن ئەسەدێن ستەمکار و خوینڕێژ ئا باب و کۆر ، ڕێ نادەن تاوانێن گەمار و دژە مرۆڤی مرۆڤ کوژێن دوژمن بەلاڤ ببێت . دەهۆل و زورنای وان بە شەڤ ئو رۆژ دژی پێشمەرگەێن کوردستان ژاری دوبەرەکی دەڕژێنێت . وان مرۆڤین هیلاک و تینی و برچی و قەتیاو ژ کەس و کارێت خۆە کوژچیای شنگال تێنە خوار ، کرنە ئارمانجا خۆە و بێ بەزییانە ژ وان دخازن دەس دەنە چەک و بچنە ڕیزێ وان . وان نەهێلان هێزێن تایبەتی ئامریکا و پێشمەرگە لە داعش بخەن . بێ بەختیێک و تاوانێک مەزن ژ شنگال کرن . ئەگەرێت ڤێ چەندێ ئا گەلەک باش و بە هێزهەبوو کو شنگال بێتە ڕزگار کرن ژ دەستێ قڕێژێت وان هۆڤانان ئو دەرد و کەسەرێن شنگالیان پچەک سڤک ببێتن. وان دخوازن گەمەی کانتۆن بازێن خۆە سەر شنگال بسەپێنن و لەوانەشە وەکی ڕۆژئاوا ژفاشیستێن بەعسی سوری بخازن سەرۆک شارەوانیک ژ وان را دیاری بکاتن . پ ک ک کونەمەشکێ کو هەدمان، هەسپێ دەروێشێ شێخێ عەڤدی ، گلاند ، بیر تێنێ .
گەمەی کانتۆن بازی پ ک ک لە رۆژئاوا لە سەر دو بنگە وبنەمایە، یەکیان سیاسەتی بە عەرەب کردنی کوردستان ژ ئالیێ دەسەڵاتدارێن عەرەبی سوری کو خاک و خەڵکی کوردستانیان لە ڕۆژئاوا پارچەپارچە کرنە ئو بنەمای کورد وەک یەک نەتەوە و یەک خاک و وەلات بەڤی ڕۆژێ نها گەهاندنە. ئی ئا د دوان، سیاسەتێ پان تورکیزمە کە ژ مێژە دەخواستن قەوارە و هەیکەلێت سیاسی کورد وەکی مەترسیەک بۆ سەر ژیانا خۆە، پارچەپارچە بکەن ئو لە چارچێڤا ئەمارەتێن کەڤنێن عوسمانی دێ ڕێک بئێخەن. گەمەێت کانتۆن بازی پ ک ک ڕەنگڤەدانا ولۆ سیاسەتێن داگیرکەرێن کوردستانە ئو کۆسپ و تەگەرەێیک سورە لە سەر ڕێبازا ئێکگرتنا نەتەوەیی کورد. پ ک ک باوەڕیا وی بە دۆز و کێشەێت نەتەوەیی توننە بوویە ئو نینە و بە ئاشکرا دبێژن کو وان نە دەولەتا نەتەوەیی کورد ئو نە سەر خۆەبوونا کوردستان دخازن ئو ڕێز ژ سنورێن دەسکردێ داگیرکەرێن کوردستان دەگرن ودێ ژی بگرن.
ب ڤی نەرینێ ئیتر جیگەی پرسیارە کو پ ک ک ب چ ڕا خۆە خەریک کریە و چ مەبەستێکا ڤان هەیە لە کوردستان و خۆە تێهەلقورتانا ڤان لە ڕۆژئاوا و ڕۆژهەلات ئو باشور. دام و دەزگەهێن بانگەشەکارێت پ ک ک بە گەرمە خەریکێ ڤێ چەندێنە ژ خەلکی ڕا ببێژن کو وان هێزەکا سەرکینە د شەڕ دژی داعش د باشورێدا کو ڕاست بە پێچەوانە و بەرەڤاژۆێ بۆچوون و بیروباوەڕ و هزرا سیاسیا ئیمڕۆژیا وانە. پ ک ک چاوەڕانی ب ئاکام گەهشتنا ڕەوتا ئاشتیا خوە دەگەل تورکانن ئو گریمان تێدا سەرکەتن و سبەە ڕۆژ یاساێت لێ بوهۆردنا گشتیا ترکان دەرکەت ئو وان چەکێن خۆە دانا و وەکی ئوجالان پێشبینی کر و دخوازێ، پ ک ک بوو بە هێزەک سیاسی و کومەلایەتی ئو ئاشتیخازئو د ڤی ڕێبازێدا ڕێچکا کەمال بۆرقای و کەندال نەزان گرتنە بەر. ڤێ جار شنگال و کانتۆنێ شنگال کو پ ک ک خەون پێڕا دەبینێ، لە قاموسا پ ک ک ڕا چ مانا و واتایەک پێرا دەمینێت .
پ ک ک ڕەوتا ڕەسەنا کوردێنی لە رۆژئاوا خەنقاند ئو ژی تاساند ئو ناڤ و دەنگ و بەرهەم و دەسکەفتێن ئا بە هیز و تواناێن کوردێنیا بنەمالا خەباتگیڕئا بەدرخانی و مالباتا حاجۆ و شەریف پاشا و قەدری جان و عوسمان سەبری و نورەدین زازا و جگەر خوین ونووری دێرسیمی، کوێر ڤەکرن ئومیژووێت دیر و درێژا کوردێنی ڤەقەتاندن کو بە تنێ ژ بەرژەوەندیا بەعسی فاشیست و داگیرکەرێ کوردستانا بوو. پ ک ک لە سەر بنەما درۆزنانە ئا عەلەوی بزاڤا ڕزگاریخوازی کوردی بە بەعسی سوری ڕا گرێ و شەتەک دا ئو ئایین و ئۆلا سەید رەزا، مەزنێ پیرۆزئا کوردان کرە قوربانیێت ولۆ سیاسەتەک. ئیستاش، ئەمێ دێ ببینین کو پ ک ک ب هاندان و دەنەدان ئا هەژمارەک ژ وان کەسان کو ڕێچکا خوە تەڤ لەهەڤکرینە ومژی و هشا خوە بزر و وندا کرنە، کو دهزرن کو پەیرەوێن ئایین و ئۆلا لالەش کورد نینە، خەریکە شنگال لە کورد و کوردستان ڤەقەتینێ و کانتۆنەک وەکی وان کانتۆنان ژ رۆژئاوا ، لە شنگالێ ڕێک بخاتن. حەسەنی قازی ژ میدیاێت پ ک ک را راگەهاند کو چونا پ ک ک بۆ شنگال تشتیک نوو پێڕایە ژ بۆ شنگال و شنگالیان و مەبەستا وی ژی هەر ئەڤ خەونا ئا نەزۆک ئو ئەڤ بەزم و لیستکایە کوئەمێ ڤێرێ ئاماژە پێکر. هەوال و نوچەێت ئانینا چەند ئەفسەرێن سیخورێن بەعس بۆ سەرشنگال پێ دەچێ ژ بۆ ڕاویژ کرن دگەل بەعس ڕا بووبێت. حەسەن ئەفەندی قازی دەبێ باش و ڕند بزانبە کو شنگال مهاباد نینە و شنگالیان قولەئاغاێن مهاباد و دزێن شەکر و قەندێ عەجامان نینە کو کۆرپەیا ئا سیاسیا کورد و کوردستان، کۆمەلەی ژ ک ، کوشتن ئو خەلکێن رۆژهەلات بەوی دەردێ برن کو تەنانەت ئیرۆ ژی پشتی گەلێک سالان هێژ پشتێن خوە راست نەکرنە ئو ڕەوتا کوردایەتیا ڕەسەن ژ خشتە برنە و کۆر کرنە. ئەڤ چەند کو حەسەن ئەفەندی د دەما سەرهەلدانا بزاڤا کوردینی لە رۆژهەلات کر ئو خۆە وەکی سکرەتیرێ کیسینجر دەرخست و پڕانیا نامەێن تایبەتیا مستەفا بارزانی ژبۆ کیسینجر سەر ناڤێ و ەشانا شەریفزادە و ژ لەندەن بەلاڤ کر، د شنگال ود دۆخا تازەیا نوهایا کوردان، نکارە پێشڤە بباتن .
جێهێ پ ک ک ژ سیاسەتا زاڵ ئو سەردەستا جیهانی تونێیە ئو دەسمایەێن وان ژ ڤێ بوارو مەیدانێ، پاشماییا بزاڤا مریا چەپێن سەردەما کەڤنە سۆڤیەتستانە کو نەبەتەنێ هەر هیچ بڕشت و کاریگەریەک نەبوویە ئو ژی توننەیە بەلکی بوویە هۆکارێکا کو پ ک ک ژ بریاردەرێن سیاسەتا جیهانی دەقەتینێ ئو تەریک وتاک دەخاتن. ب ڤی رەوەش، پ ک ک نکارێ چ ئالیکاریی و یارمەتیێک ژبۆ بزاڤا کوردێنی، ئەگەر باوەڕیا وان ژی پیڕا هە بت، مسۆگەر بکاتن. ژ رەوتا گۆهارتن و بازدان ژ هێزەکا چەکدارئا کمۆنیستی توندئاژۆ و سەرچڵ بۆهێزەکا سیاسی و کۆمەلایەتی و ئاشتیخاز، پ ک ک هەمبەرو ڕاستا قەیرانا پیناسە هاتیە. دیرۆکا پ ک ک ێت کەڤن دەرباز بویە و خەڵاس بوویە و پ ک ک ێت سەردەما نوو ژی هێژ ژ دایک نەبویە و ژانێ ڤێ گۆهارتن و گۆهاستن تم پەیکەرێت پ ک ک داگرتیە و نە ئەفەندێن قەندیل و نە ئیمرالی نەکارینە خۆە ژ ڤی قەیرانێ دەرباز بکەن، هەلبەت سوچا ئیمرالی نەپڕە .
شنگال وەکی کوردستان و کوردستان وەکی شنگال، پێدڤێ شیار بن و چاڤا خۆە ڤەکەن و وەکی یەک ژ خانمان لە چیاێێ شنگال هشیاری دایە هیزێت پێسمەرگە کو خۆە نێزیکا پ ک ک نەکن چونکی مەترسیا شەڕێ براکوژی دەدیت، بە ڤی ئاڤا ئەم کوردان خۆە ژ شەرێ ناوخۆیی کوردان بە هەر نرخەک بت دور بگرین. کار و کردەێت پ ک ک پشتی سەرهەل دانا قەیرانا ئیرشێ ڕەشەکوژو ڕەشپۆش و ڕەشپەرەستێن ئیسلامی بۆ سەر باشور خویا دەکەت کو پ ک ک کورد گوتەنی لە سەر چزە وبەبەهانەیە بۆ ڤێ شەرێ. ئیرۆ هەڤال بەندیەک نە پیرۆز ناوبەرا پ ک ک و یەکەتیا نیشتمانیی چێ بویە کو هەر کەس دەزانێتن کو نە ژ بەر خوشەویستنا عەلی یە بەلکی ژ بۆغزا عومەر ڕایە ،وەکی کوردان دەبێژن. یەکیەتی نیشتمانیی ژی وەکی پ ک ک ڕاستی قەیرانەک ئا ڕیکخراوەیی و سیاسی و کۆمەلایەتی هاتیە. هەر دو قەیرانی پ ک ک و یەکیەتی نیشتمانیی دەس دانەتە هەڤودوو و بونەتە هۆکارێت گەلەک کێشە و ئاریشەێن نەخوازراو، نەخاسمە د ڕۆژەکی وەکی ئیرۆدا .
بلا مێرخاس و عەگیدێن کوردان ڕابن و بە زانا بوون و لێ زانی و چازانی و پسپۆڕیێت خۆە، خەلکا کوردستان ب سەرکەوتویی ژ ڤێ دۆخێت قەیراناوی دەرباز بکەن و ئەسرین ئو هێسرێت چاڤا زار و گەنج و خورت و کوڕ و کیژ و پیر و کالێن کورد نە خاسما ئی د شنگالێ، بکەنە بزە و پێکەنین و شایی و گۆڤەند و دیلانێت سەرکەڤتن و سەرخۆەبوونا کوردستانا مە. بلا ئەمێ چیاێ شنگال ب پەیکەرێن زێڕینێن سوارێن کەتیێن خوە ئو تیشکێت ڕووناهیا ئێزدان بخەملینێن و چیاێ شنگال ببێتە وارگەها گول و گولیلکێن گولزارێن گشت کوردستان و شانۆێت پەریێن مە و لاوکا مرۆڤاتی ب دەور ئاگرا چوارشەما سورا ئافراندنا فەلەک، تێدا بێتە سترین و ب گشت جیهان بەلاڤ ببێتن و دەنگ ڤەدا داکو گشت فەلەک خڕ بزانبە کو ئەمێ ژ چاوکانیا رووناهی و پاکژینە .
کۆمەڵەی یەکسانیی کوردستان
