دکتۆر فایق محەمەد گۆڵپی : لە کۆبونەوەکەی پەرلەماندا داوای لێبوردن لە هەلەبجە نەکرا .
لە پەنجاکانی سەدەی پێشودا ، رێکخستنی حزبی ئیخوانی موسلمانی عەرەبی لە رێگەی مەلاکانەوە لە هەلەبجە بڵاوبوەوە . لە کۆتایی شەستەکانی سەدەی پێشودا ، تۆپە دورهاوێژەکانی پێشمەرگەکانی شۆرشی ئەیلول لە ژێر سیبەری بوردومانی بارەگای جەلالیەکاندا ، ئێوارانی هەلەبجەیان دەکردە دۆزەخ و رۆژانە چەندان کەسی بێگوناحیان شەهید دەکرد .
لە ئازاری سالی ١٩٨٨ دا ، بەرپرسی دوەمی یەکێتی نیشتمانی کوردستان و رێکخەری گشتی ئەمرۆی بزوتنەوەی گۆڕان ، فەرمانی بە هێزی پیشمەرگەی بەرەی کوردستانی دا ، پێش سوپای پاسدارانی ئێران بکەون و هەلەبجە بخەنە ژێر کۆنترۆلی هێزی هاوبەشەوە ، دواتر کارەساتی کیمیابارانی هەلەبجە و ٥٠٠٠ پێنج هەزار شەهید و دەیان هەزار ئاوارە و تالانکردنی خەڵک و وێرانکردنی هەلەبجە و ئەنفالی لێکەوتەوە .
لە شەری ناوخۆی دوای راپەرینی باشوری کوردستاندا ، شەری ناوخۆ لە هەڵەبجە و دەوروبەری ، درێژترین و سەختترین شەر بو ( ١٩٩٣-٢٠٠٣) ، هێزە تیرۆریستیەکانی سەر بە قاعدە و هێزەکانی ئەمریکا لە لایەن بەرپرسانی باشورە وە بانگ کران بۆ ئەوەی لە هەلەبجە شەر بکەن باش .
لە ١٦ ئازاری ساڵی ٢٠٠٦ دا ، لە بەرامبەر نارەزایی گەنجانی هەلەبجە ، هێزە ئەمنیەکانی حکومەتی هەرێم بە فیشەک وەلامی نارەزایی خەلکیان دایەوە ، گەنجێک بە ناوی ( کوردە ) شەهید بو و دەیان کەس بریندار بون و سەدان کەس دەستگیرکران و سەدانی تر لە ترسی دەستگیرکردن هەلەبجەیان بەجێهیشت .
ئەمرۆ هەمو لایەنە بەرپرسەکانی کارەساتەکانی هەلەبجە ، لە ریگەی پەرلەمان و حکومەتەوە ، دەربارەی بە پاریزگاکردنی هەلەبجە کۆبونەوەی پەرلەمان و حکومەتیان بردە هەلەبجە و پەرلەمان یاسای بە پاریزگاکردنی هەلەبجەی قبول کرد . ئەم کۆبونەوەیە ئەمرۆی هەڵەبجە کەمێک دڵی شکاوی هەلەبجەیەکانی هێور کردەوە ، بەلام هیچی بەوە نەدەبو ئەگەر لایەن بەرپرسەکانی هەرێم ، بە علمانی و ئیسلامیەوە ، داوای لێبوردنیان لە خەلکی پارێزگای هەلەبجە بکردایە بەرامبەر بەو کارەساتانەی لە حەفتا سالی رابوردودا بەسەر هەلەبجەیاندا هێناوە .
- Latest Posts by
دکتۆر فایق گۆلپی : بێکاریگەرکردنی وەزارەتی پێشمەرگە ، پاشەکشەی ستراتیجی هەڕێمی کوردستانە
-دکتۆر فایق گۆلپی : نێچیروان بەرزانی ـ پرۆپاگەندە بۆ تورکیا و ئاشبەتاڵ بە حکومەتی هەرێم دەکات .
-دکتۆر فایق محەمەد گۆلپی : گەریلا بەرامبەر تورکیا شەر رادەگرێت ، بەڵام چەک دانانێت ! .
- All Posts