عوسمان عەلی عومەر : 31 ئاب 1996 خیانەتى نەتەوەیی و نیشتیمانى بوو .
سەرەتا ئەمەوێ ئەوەبلێم هیچ پەخشانێ هیچ هۆنراوەیە هیچ پاساوێ ناتواتێ خیانەتى 31 ئاب لە بیرۆهۆشى تاکى کورددا بسرێتەوە چونکە ساڵى 1900 نەبووە بەلکو 1996 بوو 19 ساڵ بەرلەئیستا . وەک کوردێ با ئینتیماى حیزبى لێ بچێتە دەر بەخیانەتیکى نیشتیمانى و نەتەوەیی دەزانم لەبەر ئەوەی پەلکێشى سوپاى دوژمن کرا ، خۆشم یەکێتیم ، گەر یەکیتى ئەوەى بکردایە هەر بەخیانەتم دەزانى . خیانەت هەر خیانەتە ، چ گەورە چ بچوک بێ .
شەرى ناوخۆ یەکیکە لەو کارەساتانەى بەسەر گەلان دێت ، هەر تەنها کورد شەرى ناوخۆى تێدا بەرپا نەبووە بەڵکو زۆرێک گەلانى پێشکەوتوى دونیاى ئەمرۆمان شەرى ناوخۆیان تیدا بەرپا بووە پێى میژووەکەیان ئەیان خەمە ڕوو ، لەوانە شەرى ناوخۆى نەرویج 1130-1240 شەرى دووگولەکە ( الوردتین wares of the roeses) لە ئینگلترا 1455 – 1485 ، شەرى ئۆنین لە ژاپۆن 1467- 1477 ، شەرى ئاینى لە فەرەنسا 1562 – 1598 ، شەرى ناوخۆى ئەمریکا 1861 – 1865 ، شەرى ناوخۆى رووسەکان 1917 – 1921 ، شەرى ناوخۆى فینلەندا 1918 ، شەرى ناوخۆى ئایرلەندا 1923 – 1924 ، شەرە ناوخۆکانى چین ساڵەکانى 1928 و 1937 و 1945 و 1949 ، شەرى ناوخۆى ئیسپانیا 1936 – 1939 ، شەرى ناوخۆى لوبنانى 1975 – 1990 شەرى ناوخۆى ئەفغانستان 1992 – 2001 * شەرى ناوخۆى کوردستان 1966 – 1970 و1994 – 1998 …..
رۆژى 19 / 5 / 1992 رۆژێکى میژوویى بوو بەنیسبەت گەلەکەمانەوە پاش چەندین سال لەچەوسانەوە خەڵکى کوردستان بەخۆشى و جلى ئالاو والاوە چونە سەر سندوقەکانى دەنگدان و یەکەم هەڵبژرادنى ئازاد بێ لەعیراق و کوردستان دا بکرێ و پشتیوانى لێکرا لەلایەن دەولەتە زلهیزەکان و وولاتە ئەوروپیەکان ، لەگەل ئەوەى کە یەکیتى ئەیزانى پارتى تەزۆیراتێکى زۆرى کرد بوو هەر نەیدەویست گرژى و ئالۆزى بکەویتە نێوانمان بۆیە سەرەنجامى فیفتى بە فیفتى رازیبون و دواتر پەرلەمان پێکهینراو یەکەم حکومەتى هەرێم بە سەرۆکایەتى کاک دکتۆر فوئاد مەعێوم لە 4/7/1992 و پەرلەمانیش لە لەمانگى 6/ى 1992 بەسەرۆکایەتى جەوهر نامیق بوو .
شەرى ناوخۆى ئەمجارە وەک پیشمەرگەو عدد بیتەلێک ئەتوانم بلێم لە 2/5 /1994 لەناوچەى قەلادزە گرو بلیسەکەى تەشەنەى کرد کە لەژێر دەسەلاتى یەکێتى نیشتیمانى کوردستان بوو ، هێزیکى بنەماڵەى بەرزانى ( کورەکانى حەسۆ میرخان ) کە کاتى خۆى لەو ناوچەیە بوون مولک و ماڵیان هەبووە بەنیازى وەرگرتنەوەى ئەو موڵک و مالە بەزۆر وەربگرنەوە بەلام هەڤالانى خۆمان و خەلکى ناوچەکە لێیان قبوڵ ناکەن و چەند بەڵگەیەک ئەخەنە ڕوو ، کە ئەوە موڵکى ئەوان نییەو کاتى خۆشى بەزۆردارى داگیرکراوە و قەلادزە لەسالى 1989 تەخت کراوە ئەى ئەوکاتە ئێوە لەکوێ بوون ، دواتر تەقە لە کومیتەى یەکیتى ئەکەن و مام جوتیار شەهید دەبێ و عەلى نەبیش لەودەڤەرە دەبێ و هێز کۆدەکاتەوەو پەلاماریان ئەدەن و دواتر ئەویش شەهید دەکرێ ، بۆیە پیشمەرگەکان کونترۆلى خۆیان لەدەست ئەدەن ئەوانەى تەقەیان کردوون هەموویان ئەکوژرین . وەک لەیادم بێ جەنابى مامجەلال لەدەرەوەى وولات بوو بەپەلە بروسکەیەکى نارد لە ڕێگاى بیتەلى مەکتەبى شامەوە بۆ کاک مەسعود زۆر باش دەقەکەیم بیر نەماوە بەلام ناوەرۆکەکەى ئەوە بوو ” تکاى برایانەم ئەوەیە بە حیکمەت و عەقل و مەنتیق و هیمەتى خۆت بخەیتە گەر بۆ ئەوەى نەهێلدرێ لەوناوچەیە زیاتر تەشەنە بکات و لیژنەیەکى لێکولینەوە لە هەر دوو سەرکردایەتى و م . س پیکبهێنرێ بۆ لێکوڵینەوە لەو ڕووداوە و بەڵێنى ئەوەش ئەدەم کە هەرکەسێک تاونبار بێت لاى خۆمانەوە سزاى قورسى ئەدەم و ئێوەش بەهەمان شێوە ” …. دووبارە ئەڵێم هیمەتى برا گەورەییت بخەیتە گەر ، تا زووە ئەو کیشەیە چارەسەرو مەحدود بکرێ “، بەلام هێزەکانى پارتى کەوتنە ڕێگە گرتن و خالى پشکنین دانان لەزۆر شوین بۆ گرتنى پیشمەرگەکانى یەکیتى و بەنمونە خۆشم ئەورۆژە بەنیازى چون بووم بۆ قەلاچوالان ویستم بە کەسنەزان دا برۆم بە سەیارەى سکرتاریەت ، بەلام کە گەیشتینە نزیک ئەوێ هەستمان کرد کە سەیتەرەیان داناوە زۆر لێیانەوە نزیک نەبوین بۆیە ڕێگەکەمان گۆرى و گەراینەو بەقوشتەپەدا تێپەرین ، ، بەلام زۆر قارەمانى وەک شەهید حەسەن کویستانى لە 17/5 ى هەمان ساڵ و شەهید ریباز و چەندین پیشمەرگە بەغەدرو فیل و خیانەت شەهیدکران .
بەرە بەرە گرژى و ئالۆزیەکان تا دەهاتن زیاتر ئەبوون هەرچەندە هەولى زۆر درا بۆ چارەسەر کردن لەلایەن یەکیتى بەلام پارتى هەرخۆى ساز ئەدا و یەکێتیش لەولاوە خۆى ساز ئەدا تا گەیشتە ڕادەى هێرش کردنە سەر بارەگاکانى یەکتر لەناو شارو شارۆچکەکاندا ، پارتیش هەندێ ڕێگاى وەک کەسنەزان و ڕێگاى رەواندزو ئەوانەى بەرووى هیزەکانى یەکیتى دادەخست و ناچار هیزەکانى خۆشمان بەرەو رویان دەبونەوەو لەهەندێ لەو شەرانەدا هیزەکانمان بالا دەست دەبوون و لەهەندێ شوین ئەوان ، هەولیریش وەک پایتەختى حکومەتى هەریم لەژیر دەسەلاتى خۆمان بوو . پارتى بەراى من کەوتبوە سەرپێى خۆى و منەتى کەسى نەدەزانى لەگەل ئەوەى لەزۆر بوار و مناسەبەت دا یەکیتى بە هاوپەیمانى خۆى دەزانى بەلام هەر باوەرى بە مام جەلال و یەکیتى نەدەکرد ، من وەک پیشمەرگەیەک ئاگادارى ئەوەم چۆن قەناعەتیان بە مەسعود بارزانى کرد کە باوەر بهێنى بە راپەرینى 1991 و بە چ جۆرێ هاتنە خوارەوە ، پارتى کەوتبوە تەسفیەى حسابات یەکێ لەوانە لێدانى سورچیەکان بوو چونکە کاتێک لەکاتەکان دژیان بوون .
شەرەکان تا دەهاتن توند تر دەبوون لەزۆر شوینەکان خۆمان بالا دەست بوین و پارتى پاش دەرکردنیان لە هەولیر دوو سێ هیرشى زۆر بەهێزیان کرد بەلام ئەنجامى شکست بوو بەداخەوە چەندین پیشمەرگەى قارەمان و فەرماندەى وەک فاقە مەخمورى شەهید وبریندار بوون .
بۆ خوێندنەوەی تەواوی بابەتەکە کلیک بکەرە سەر ــ 31 ئاب 1996 خیانەتى نەتەوەیی و نیشتیمانى بوو
