کونجرینی : هەرای بازاڕیی سیاسی لەهەرێمی کوردستان .
بەشی یەکەم :
لەسەر ئەوەی ڕوویدا و پێمان نەزانی لەئازارەکانی . لەسەر ئەوەی ڕوودەدات و تێی ناگەین لە بازرگانێکانی ، وا منیش بۆتانی دەژمێرم :
1 – گەر ئەو هەموو قوربەسەرەی لەنێوان پارتی و یەکێتی کوژران ، گەر یەکێک لەوانە بە حەق لەدامێنی دوو بنەماڵەکەوە بکەوتنایە خوارەوە ، تائێستا جەنگە خوێناوییەکەی نێوانیان کفوکۆڵی یەکتر کوشتن و بگرەوبەردە لەسەر تەپۆڵکەیەک کۆتایی نەدەهات . چوونکە کوڕی خۆیان تیا نەدرا بەکوشت ، دەکرێت لەسەر مزایدەی سیاسی نێوانیان ، مێزیی بادە بڕازێنرێتەوە ، ڕازێنرایەوە . لەدەستخۆشی و منەت هەڵگرتنیان هیچی تر نەوترا . گەمژەیی گەلێک لە خاڵێکی واوە دەستپێدەکات .
2 – وێنەی کاندیدەکان سەرشەقامەکانی داگیر کردووە و ، لە سویسرییەکم پرسی دەنگ بەکێ دەدەیت . لچێکی قرچاند و وتی : من خۆم گێل ناکەم و دەنگ بەدز نادەم . زۆرم لاسەیر بوو ، وتم چۆن چۆنی ؟ ، وتی : ئەمانە ڕۆژێک ئەم گەلە هەموو کاتەکانی خۆیان بۆ دەکوژن ، لەپاش ئەوەی منێک دەچم ڕۆژێکی خۆمیان بۆ بەکوشت دەدەم بۆ ئەوەی دەنگ بدەم بە کەسێک و بە خەیاڵی خۆم بیکەمە نوێنەری خۆم ، ئەم نوێنەرە جگە لە تەلەڤزیۆن و ڕۆژنامەکان جار جارە دەیبینیم ، ساتێک بەتەنها نایبینم و بێت بۆ لام و بڵێت : سوپاس . هەروەها وتی : ئەمانە موچەکانیان گەر دبلۆمداریش بن و دوو هێندەی کرێکارێکیش وەردەگرن ، بە هۆی من و ئەوانی ترەوە دەنگیان پێدەدەین ، موچەکەی دەبێت بە دە هێندە . کێشە لەوەدا نییە ، کە بوو بە ئەندام پەڕلەمان ، پاش ماوەیەک هەندێکیان دەبن بە ملوێنەریش .
ئەندام پەڕلەمانەکانی ئێمەش لە سێبەری ئەندام پەڕلەمانەکانی سویسراشدا نابن بۆ خزمەتکردن بە گەلەکەیان ، دەبێت ئەمانەی لای ئێمەش چ …… بن . گەمژەیی لەوەدایە ڕۆژێکی خۆت بکوژیت و بچیت بۆ دەنگدان و دەنگ بە کاندیدێکانی لەمەڕ خۆمان بدەیت ، تەنها بە ڤیاگرا لەناو هۆڵی پەڕلەماندا دەست بۆ سەروەریی یاسا بەرزبکەنەوە .
3 – هەر ڕۆژەی وەزیرەکەی پارتی باسی شیرینی و ناردنی نەوتمان بۆ دەکات و ڕۆژانە دێتە سەر پانتایی تیڤێکان ، قسە لەسەر ناردن و زیادکردنی دەکات ، لەولاشەوە دەبینم موچە نییە ، بازاڕ وەستاوە . خەڵک لەتاوی ڕەوشێکی ناجێگیریی ئابووری ، ملی ڕێگای هەندەران و غوربەت دەگرێتە بەر . بۆیە هەر جارێک ئەم وەزیرە دەبینیم و وەسفی کارەکانی خۆیمان بۆ دەکات ، توشی لەرزوتا دەبم و چاوەڕێی قوربەسەرییەکی تریی دەکەم بەسەر گەلەکەماندا بهێنێت .
5 – پارتییەکان یان خۆیان گێلن ، یان نیشتمانپەروەر و نەتەوەپەرستەکانی کورد بە گێل دەزانن . دەبینین ، کە بەرەی دیموکراسی داوای گۆڕینی سیستەم دەکات ، واتە گۆڕینی سیستەمی سەرۆکایەتی بە سیستەمی پەڕلەمانی . ئەو کاتە سەرۆکی هەرێم تەشریفاتی دەبێت و پەڕلەمان دەتوانێت کاسایەتییەکی خوێنەرواریی دەرەوەی حیزبەکان بکات بەسەرۆک . کەچی ئەندام و کادرو سەرکردەکانی پارتی قسە لەسەر دیموکراسی دەکەن و خۆیان و حیزبەکەیان بە وزەی دیموکراسی دەزانن و باوەڕیشیان بە ئاڵوگۆڕیی دەسەڵات نییە .. گەمژەیی لەوەدایە ئەوانەی قسە لەسەر دیموکراسی دەکەن لەناو پارتی سورن لەسەر دانانەوەی بارزانی ..
- بابەتەکانی تری لاوک کونجـــــــرینی
لاوک کونجرینی: بەم سیستەمەی دادگای فیدراڵی بڕیاری لێداوە بۆ هەڵبژاردن، بۆچی پارتی دڵشکاو و یەکێتی دڵخۆش؟ – بەشی کۆتایی.
-لاوک کونجرینی: بەم سیستەمەی دادگای فیدراڵی بڕیاری لێداوە بۆ هەڵبژاردن، بۆچی پارتی دڵشکاو و یەکێتی دڵخۆش؟ – بەشی دووەم.
-لاوک کونجرینی: بەم سیستەمەی دادگای فیدراڵی بڕیاری لێداوە بۆ هەڵبژاردن، بۆچی پارتی دڵشکاو و یەکێتی دڵخۆش؟ – بەشی یەکەم.
- All Posts