عوسمان عومەر : 29 ساڵ تێپەر بوون بەسەر لێدانى بیرەنەوتەکان لەلایەن هێزی پێشمەرگەوە .
هەڵگەرانەوەى هەوالەکان
بەشى یەکەم
چەند رۆژێکى بۆ ئەو یادە و ئەوداستانە مەزنەى هێزی پێشمەرگەى یەکیتى نیشتیمانى کوردستان .
دواى کۆتایی پێ هێنانى گفتوگۆکان لەلایەن ی ن ک وە , رژێمى تۆتالیتارى بەعس فشارو هێرشەکانى بۆ سەر (ی ن ک) زیاتر چڕتر کردبۆوە بەمەبەستى دووبارە تێهەلچونەوە لە گفتوگۆ بەلام سەرکردایەتى لەوە دلنیا بوون کە بەعس نایەوێ هیچ سازش و نەرمى نواندنێ سەبارەت بە داواکاریە رەواو گرنگەکانى کورد بکات .
سەرکردایەتى ی ن ک باشترین چارەسەر بۆ بەرەنگاربونەوەى زولم و زۆردارى و مەترسیەکانى بەعس ئاشتەوایی نیشتیمانى بوو پاش زنجیرەیەک کوبونەوە بەدەست پیشخەرى جەنابى مام و سەرکردایەتى وناردنى نامە و نوینەر بۆلاى لایەنەکوردستانیەکان سەرەتا ( حیزبى سۆسیالیست دیموکراتى کوردستان – حسکع ) دیار بوو ئامادەییان نیشان دابوو کە وەفدیکیان بەسەرکردایەتى کاکە حەمەى حاجى مەحمود و شیخ محمەد شاکەلى وچەند کەسیکى تریان بنێرنە لاى سەرکردایەتى ودواى چەند رۆژێک کوبونەوە لەیاخسەمەر گەیشتە ئەنجام ئاشتبونەوە واژوو کرا وهێزى پیشمەرگەى لێ ئاگادارکرایەوە هەر بەو هۆیەشەوە نامە ئاراستەى لایەنەکانى ترى بەرەى جود ( پ د ک و پاسۆک , حشع وگەل ) کراو هەریەکەیان دواتر سەردانى سەرکرادیەتى ی ن ک یان کردو ئەم ریککەوتنانە بونەبناغەیەک بۆ دورست بونى بەرەى کوردستانى لە دواتر . هەر لەو ریگایەشەوە دەست پێشخەرىکرا بۆ ئاشت بونەوە لەگەڵ کۆمارى ئیسلامى ئێران تا ئەوکاتە هیچ پەیوەندیەکى راستەوخۆ نەبوو لەگەلیان وتەنها لا بەلا هەندێ کاردەکرا وەک چارەسەرى بریندار و نەخۆش ئەویش بەهۆى هەندێ کەس ولایەنەوە بوو .
زۆرجار جەنابى مامجەلال دەىفەرموو بزوتنەوەى رزگارى خوازى گەلى کوردستان بابەتى خۆکردەو هاوکارى هاوخەباتى نیوان پارچەکانى ترى کوردستان مافێکى رەوایە بۆیە لەسالى ١٩٨٢ بە ئاشکرا هیزى پشتیوانى خۆى بۆ شەرکردن شانبەشانى حیزبى دیموکراتى کوردستانى ئیران نارد کە لەشەردا بوون دژى رژێمى ئێران وخاوەنى چەندین شەهید بوین , ئەمەش بەیەکجارى ئیرانى تورە کردبوو جگە لە گفتۆگۆى سالى ١٩٨٤ کە بەئاشکرایی دژایەتى دەکرد و نەیدەویست سەربگرێ .
لەهەمان کاتیش دەبوایە سەرکردایەتى ی ن ک ریگەچارەیەک بۆ هاوکارى و دەروازەیەک بۆخۆی بدۆزێتەوە نەک بکەوێتە نێوان دوو بەرداشەکەوەو توشى زیانى زۆر ببێ لەوناوەدا چونکە هیرشەکانى عیراق و ئێران بۆسەر یەکترى بەردەوام بوون . دواى ماوەیەک لەئاشتبونەوە وەفدەیکى سۆشیالیست هاتن و چەند کەسێکى ئیرانیشیان لەگەل بوو بۆ میانگەرى نیوان یەکیتى و ئیران و چەند رۆژێک لە یاخسمەر مانەوە دیار بوو گەیشتبونە دەرەنجامێک بەلام هێشتا بەتەواوى لێک دلنیا نەبون , دواتر چەند سەرکردەیەکى ی ن ک لەسەر سنورەکان چاویان بەنوینەرى ئیرانیەکان کەوتبوو . ئەم دیدارو چاوپێکەوتنانەى ی ن ک و ئیرانیەکان بەپێی زانیاریەکانم درێژەى سالى ١٩٨٢ ى ناوزەنگ بوو بەلام دەرەنجامێکى واى نەبوو بەبەشدار بونى هیزەکانى ی ن ک وەک پشتیوانى لە ( حدکا ) وەک لەپێشەوە ئاماژەم پیداوە .
لیرەدا یادەوەریەکى بچوک دەگێرمەوە یەکێ لەئەندامەکانى وەفدەکە عدد بێتەلیک بوو جەنابى مامجەلال ناردبویە خوارەوە بۆلامان تا پەیوەندى بە هیزەکانى خۆیان بکەن ئەوکات لەشاخى کەتو بوون بیتەلێکى PRC پێ بوو ئیمەش دەمانزانى کە VHF و راکالەکەى ئیمەش H.F بیگومان پیکەوە یەکانگیر نابن ناتوانرێ پیکەوە قسە بکەن زۆر هەولمان لەگەل دا نەى سەلماند دەیگوت چون پیکەوە قسە ناکەن ؟ بەفارسى پێى دەوتین ( دوعا بکن انشالا برقرار میشى ) لەبەرئەوەى ئیمەش لەفارسى تێ نەدەگەیشتین (وەک ئەو دەمان ووت انشالا برقرار میشى ) کە چوبۆوە لاى جەنابى مامجەلال وەک شکات وتبوى مەجالیان نەداوە قسە بکەم بەندە و خارە چوین بۆلاى بۆ ئەوەى پێى بلێین کە ئەو دوو بیتەلە پیکەوە قسە ناکەن چونکە شەپۆلەکانیان جیاوازە . جەنابى کەمێ تورە بوو فەرموی ئیوە لێى تێ نەگەیشتون چون ئەکرێ یارمەتى بدەن با قسە لەگەل فەرماندەکانیان بکەن ئیوە ئەتانەوێ ریسەکەمان لێ بکەنەوە بەخورى و تازە ئەمانەوێ شتیکیان لەگەل بکەین . بە هەرحال ئەمجارەش بەهەمان شێوە بیتەلەکەى خۆمانمان بۆ چۆلکرد دەنگ هەر نەبوو ئەمجارە PRC مان بۆ هێنا هەر بانگە بانگى دەکرد کەس وەلامى نەدەدایەوە چونکە هەم ماوەکە دووربوو هەم شاخى بەرزیش لەنیوانامان دا هەبوو ئەمانە ئەبون بە بەربەست بۆ سیستەمى VHF دواتر کاک یحیی کە کەمێ فارسى بیر مابوو قسەى لەگەل کرد و تێى گەیاند کە ئەوە نابى و پیکەوە نابەسترێن بۆ قسە کردن سیستەمەکانیان جیاوازە بەو شێوەیە لەکۆلمان بۆوە .
تەنها بەکلیکێک لەسەر شێیر ، ئەم بابەتە بنێرە بۆ هاوڕێکانت لە فەیسبوک و تویتەر
