ئەحمەد ڕەسوڵ : هەر ڕۆژ ٣١ ی ئابێکە .
زۆر کەم و دەگمەنە لە مێژووی خەباتی ڕزگاریخوازانەی گەلانی دنیادا، هێزێک یان هێزگەلێک لە بەرئەنجامی خەبات و قوربانیدانی درێژی میللەتێک دوای گەیشتن بە دەسەڵات، هێندە دژایەتی ئازادی هەمەلایەنەو دیموکراسیەتێکی ڕاستەقینە و ئازادی بیروڕا و دەربڕینی کردبێت. زۆر کەم و دەگمەنە لە مێژووی سیاسی گەلانی دنیا. هێزگەلێک هێندەی لە پێناوی کۆمەڵگاکەی خۆیان و بەرژەوەندی و چاکەی گشتی کاریان کردبێت، هەزار هێندە لە پێناوی دوژمنان و دەوڵەتانی داگیرکەر خزمەتیان کردبێت.
زۆر کەم و دەگمەنە لە مێژووی گەلانی دنیادا هێزێک یان هێزگەلێک لە دوای گەیشتن بەدەسەڵات هاوشێوەی کوردستان، سەرانی دەسەڵاتدار هێندە هیستیری عاشقی پۆست و پلە و پایە بووبن و بۆ ئەمەش هەر ڕێگا و شێوازێک چەندێک دزێویش بێت بیگرنە بەر. ئەم سوڵتەخوازیە نەخۆشانە و پارە پەرستیە شێتانە و تاڵانچێتیە بەسەر داهاتی گشتی و سەروەت و سامانی کۆمەڵگاوە لە مێژووی دوور و نزیکی دەسەڵاتدارانی سیاسی دنیادا لە وێنەی و کەم و دەگمەنە.
پایەکانی هێز و دەسەڵات لە کوردستان لەسەر بنەمای ملکەچی و بەکرێگیراوێتی بۆ دەوڵەتانی کۆنەپەرستی ناوچەکە داڕێژراون. ئەمە وا دەکات شەیمانەی تێکدان و وێرانکردنی ژیان و ئەمنیەتی خەڵك لەلایەن هەر هێز و دەوڵەتێکەوە ئەگەرێکی هەرە سادە و ئاسان بێت. پەیوەستەگی سیاسی و ئابوری و ئەوەی کە حزبە فیوداڵیەکانی کوردستان بەشێکن لە ئەجێندا و جێبەجێکردنی ستراتیچی دەوڵەتانی داگیرکەر، وایکردووە کۆمەڵگا لە سەرگەردانی سیاسی وئابوری و ئایندەیەکی ناڕۆشن دا بهێڵنەوە و هەڕەشە و ئەگەری خاپور کردنی هەموو شتێک لەلایەن هەر هێز و دەوڵەتێکەوە، ئەگەرێکی هەرە بەهێز و واقعی بێت.
تێگەیشتن لە بونیاد و ماهییەتی حزبە سیاسیەکانی کوردستان بە تایبەت دەسەڵاتدارەکان و لە تۆپدا پارتی، وادەکات هەر ڕۆژ لە خەیاڵی ڕوداونی ٣١ ی ئابێکی تردا بین. لەڕاستیا ئەم دەسەڵاتدارێتیە خۆسەپێنە میلیتاریستیە وایکردووە کۆمەڵگای ئێمە هەر ڕۆژێکی ٣١ ی ئابێک بێت بە شێوازی تر و لەسەر ئاستی جیاواز.
- بابەتەکانی تری ئەحمەد ڕەسوڵ
ئەحمەد ڕەسوڵ: فیاسکۆ.
-ئەحمەد ڕەسوڵ: ڕووتبوونەوەی سیاسەت.
-ئەحمەد ڕەسوڵ: خۆڕاپسکاندنی پدک.
- All Posts