ئازاد حەمدی: چپەیەک .
پێشکەشە بە دووەم کۆنفرانسی بلاتفۆرم، کە ئێستا لە سلیمانی دەبەسرێت .
لەژێر نیشانی ( پێکەنینە گریاناویەکان ) . مشعل السدێری ، لە ڕۆژنامەی الشرق الاوسط دا – نوسیویەتی: گەنجێک لە شێخکی سەرتێکدەر دەپرسێت: بەسواری تەیارەیەکدا ئەفڕێت بەسەر ووڵاتی کافراندا، کە لەژێرەوە بە خواردنەوەی مەی و بەرەڵاییەوە خەریکن؟ ئایا من لەم کارە، کە ناچارم سەفەر بکەم چەند گوناهبارم ؟ شێخەکە ڕێنمایی دەکات بە فڕۆکەوانەکە بڵێ: بەسەر کۆمەڵگا موسوڵمانەکاندا ، کە بە مەنارەکاندا ئەناسرێنەوە بفڕێت؟ ئەوە دەبێتە فڕینی شەرعی .
منیش پێکەنینەکەی خۆم وەکو بەڕێز السدێری بەوە دەمگرینێت، کە ئەو گەنجەو شێخە ڕێنیشاندەرەکەشی بیر ناکاتەوە فڕۆکەکەشی کەسواری بووە .. جلو بەرگەکانیشیان و هەموو پێویستیەکانی ژیانی ئەمڕۆیان هەتا چەکەکان و شمشیر و، ئەو چەقۆیانەی نەیارەکانیانی پێ سەردەبڕن . بەدەست و زانستی ئەوانەی ئەوان بە کافریان دائەنێن دروستکراون .
کەواتە ئەگەر کار وابڕوات، باوەڕبکەن و باش بزانن ئەگەر نایزانن . ئەو جەهەنەمەی ئەوان بەو شێوازە تروس و دڵەڕاوکێیە لەو جۆرە گەنجە ساویلکانە هەڵدەخڵەتێنن . مسەوگەر چاوەڕێیانە .
