ئەسعەت قەرەداخی: پەندی ڕۆژگار.
ڕۆژنامەنووسی بەناوبانگی ئێتاليايی ئۆريانا فاڵاچی Oriana Fallaci ( 1929-2006 ز )، ناسرابوو بەوەی کە ديمانەی لەگەڵ زۆر لە سەرکردەكانی جيهاندا كردووە. لەوانەيش وينستۆن چەرچل سەرەك وەزيرانی بەريتانيا. لێی دەپرسێت:
چۆن توانيتان ساڵانێكی زۆر وڵاتی هيندستان داگيربكەن، كەجی ئيرلەند لە لاتانەوەيە نەتانتوانی داگيری بكەن.
چەرچل لە وەڵامدا دەڵێت: لە سياسەتماندا پێويستيمان بە دوو شت هەيە.
زۆرينەی نەزان & كەمينەی خۆفرۆش
ئەم دوو شتەمان لە ئيرلەند بەدیم نەكرد
كە ئەمە دەخوێنمەوە، تەوس دەمباتەوە و خەياڵ دەمگەيێنێتە کەشکەڵانی فەلەك و لەپر دەمداتەوە بە خاكدا. ئەو خاکەی کە پێيدەڵێم كوردستان و هەازاران ساڵە هەيە و كوردی تێدا دەژی. سەدان ساڵە خەبات، ڕاپەڕين، بەرخودان ، شۆڕش دەكات و شۆڕش بەرپادەكات بۆ ئازادی و سەربەخۆيی، دەگەينە لوتكەی سەربەخۆيی و هەر ئەوە دەمینێت فوو بەو ناوە پيرۆزەدا (سەربەخۆيی) بکەين لەپڕ وەك ياری ماروپەيژەی منداڵان دێينەوە سەر: دەست بێنەو ئاوبشۆ (نەوەك ئاوبێنەو دەست بشۆ).
لە خۆم و دۆستانی خۆشەويم دەپرسم: داخۆ ئێمەی كورد تا چ ڕادەيەك ئەو گوزارەيەی چەرچل دەمانگرێتەوە، لەكاتێكدا تا ڕادەيەك ڕای وابوو كە كورد دەبێت وڵاتێكی سەربەخۆی هەبێت، بەڵام پاشقولێك لەو ڕايەی گيرا… بۆ؟. چونكە……….
