شه‌ریف هه‌ژاری: ئه‌ردۆگانی جینۆسایدكار و، ڕه‌خنه نالۆژیكیه‌كانی هه‌ندێ هاوڕێی به‌ڕێزی ئیخوانی (كوردزمان!) له بابه‌تێكم!
هه‌ندێ جار به هه‌ڵه‌دا ئه‌چم و لام سه‌یره، كه زۆرێكی كورد ده‌بنه شوێنكه‌وته! ئه‌لبه‌ته له مێژووی كوردا سه‌لماوه كه مه‌رج نیه شوێنكه‌وته و جاشه كورده‌كان مرۆڤی نه‌خوێنه‌وار و نه‌زان بوو بن. به‌ڵكو زۆرجار جاشه‌كان مرۆڤی (ده‌وڵه‌مه‌ند و خوێنه‌وار و ده‌سه‌لاتدار و ته‌نانه‌ت هه‌ڵگری بڕوانامه‌ی به‌رز)یش بوون!!
به‌ڵام حه‌قیقه‌ته‌كه ئه‌وه‌یه كه پێموایه: تاكی كورد له پێناو پاره و (ئایدۆلۆژیا) دا زۆر به سانایی ئه‌بێته شوێنكه‌وته و خۆی ئه‌فرۆشێت! هه‌ربۆیه‌شه هه‌ندێ (به بڕوانامه) ئوستازی زانكۆ كاتێك پێم ده‌گه‌ن ده‌ڵێن: ئوستاز شه‌ریف تۆ قازانجی چیت كردووه له ڕه‌خنه نه‌ته‌وه‌یی و حه‌قه‌كانت له حیزبه‌كان و له ده‌وڵه‌ته داگیركه‌ره‌كان؟ ئه‌وه نیه ته‌نانه‌ت كتێبه به‌ڵگه‌نامه‌ییه‌كانیشت بۆ چاپ ناكه‌ن و ده‌بێت خۆت چاپیان كه‌یت؟ ئه‌ی ئه‌گه‌ر سه‌ر به یه‌كێك له‌م حیزبانه ببوویتایه ئه‌زانێ چه‌ندێك قازانجت ئه‌كرد و به‌رهه‌مه‌كانت زووتر و زۆرتر بڵاو ده‌بوونه‌وه!؟
ڕاستیه‌كه‌ی من هه‌میشه به‌و به‌ڕێزانه‌م وتووه كه: سه‌ره‌رای ڕێزی زۆرم بۆیان، ئه‌وا پێكه‌نینم به‌و جۆره له بیركردنه‌وه‌كانیان دێت. چونكه ئه‌و ئایدیایانه مرۆڤی شوێنكه‌وته دێننه‌بوون. مرۆڤ له پێناو كه‌رامه‌تی كه‌سێتی خۆیدا پێویسته هه‌میشه هه‌ڵگری وشه‌ی (نا)ی به‌جێ و لۆژیكی بێت.
له‌م هه‌فته‌یه‌ی ڕابردوو، دوو بابه‌تم نووسی كه تێیاندا ده‌سته‌واژه‌ی (توركی سه‌گخۆری مه‌غۆلی)م به‌كارهێنابوو. له بابه‌تێكیاندا شیم كردبووه‌وه كه به‌كارهێنانی ئه‌و ده‌سته‌واژه‌یه (سوكایه‌تی پێ كردن) نیه، به‌ڵكو خستنه‌ڕوی (حه‌قیقه‌ت)ـه. كه‌چی زۆر مه‌سیج و په‌یامم له هه‌ندێ برای به‌ڕێزی ئیخوانی بۆ ده‌هات: مامۆستاگیان تۆمان خۆش ئه‌ویت به‌س بۆ ده‌بێت به‌و توركه مسوڵمانه برایانه بڵێی: توركی سه‌گخۆری مه‌غۆلی!؟
جارێ من سه‌ره‌تا حه‌زه‌كه‌م به‌ڕاشكاوی ئه‌وه ڕون بكه‌مه‌وه كه له ڕوی سیاسیی و مێژوویی و حه‌قیقه‌تیشه‌وه پێچه‌وانه‌ی ده‌ربڕینه‌كانی مه‌لا مسته‌فا و مام جه‌لالم كه وتوویانه: (كورد و عه‌ره‌ب بران).
له هه‌مان ڕوانگه‌‌شه‌وه پێچه‌وانه‌ی ده‌ربڕینه‌كانی ته‌واوی سه‌ركرده ئیسلامیه (به زمان كورده‌كان)م كه ده‌ڵێن: ئێمه و فارس و تورك و عه‌ره‌ب براین و هه‌موومان مسوڵمانین! چونكه به تێفكرینی (شه‌ریف هه‌ژاری) كه‌سێك خوشك و دایكم ئه‌تك بكات، نه برای نه‌ته‌وه‌ییمه و نه برای دینی!! ئیدی ئه‌وه باوه‌ڕی چه‌سپیو و لۆژیكی منه. له‌به‌ر ئه‌وه ناكرێت كه‌سێك به برا بزانی و، له باشور تا خۆرهەڵات و له باكور تا خۆراوا ڕۆژانه ئه‌تكی خوشك و دایكت بكا و هیچ بڕوای به‌وه نه‌بێت كه تۆش مرۆڤێكی وه‌ك ئه‌ویت!؟
هه‌روه‌ك چۆن ئێستا كه ئه‌م بابه‌ته ئه‌نوسم: ئه‌مڕۆ به فه‌رمانی (تیرۆریستی جینۆسایدكار ئه‌ردۆگان) له جزیره‌ی كوردان زیاتر له سه‌د مناڵ و ژنی كوردیان له خانوه‌كانیان دا به خراپترین چه‌كی ڕوخێنه‌ر سوتاندووه و، ڕۆژ نیه كچ و ژنی كورد ئه‌تك نه‌كه‌ن. ئاوهاش من كه‌سێك به برا نازانم كه خوشك و دایكمان وا لێ بكات. پێشموایه: مرۆڤی مه‌رد هه‌رگیز ناتوانێت ئه‌و كارانه ببینێ و بشڵێت: فارس برامانن، تورك برامانن و، عه‌ره‌ب برامانن!!
سه‌باره‌ت به ده‌سته‌واژه‌ی (توركی سه‌گخۆری مه‌غۆل)یش كه سه‌یره هه‌ندێك له براده‌ره ئیخوانیه (كوردزمانه‌كان) ده‌هه‌ژێنێ!! ده‌بێت بزانن (ڕه‌نگه هه‌ندێكیان بشزانن به‌ڵام هه‌ر حه‌زكه‌ن حه‌قیقه‌تی مێژووی داگیركه‌ران پاك بكه‌نه‌وه) كه ئه‌و ده‌سته‌واژه‌یه به هیچ جۆرێك (سوكایه‌تی كردنی) تێدا نیه! چۆن ساغی بكه‌مه‌وه!؟
لای هه‌موان زۆر ڕونه كه حه‌قیقه‌تی مێژوو ئه‌یسه‌لمێنێ كه (تورك) برای مه‌غۆله تاتاره‌كانن و، سه‌گخۆرن و، ئێستاش باوباپیرانی ئه‌سڵیان له باكوری چین و مه‌غۆلستان دا ماون و، هه‌ر داب و نه‌ریتیان وایه (به‌بێ سوكایه‌تی كردن) كه سه‌گ ده‌خۆن. ڕونیشه له شاڵاوی مه‌غۆله‌وه له ئه‌نادۆڵه‌وه به‌ره‌و ئاسیای بچوك (توركیای ئه‌مڕۆ) كشاون.
كه‌وابو هه‌روه‌ك چۆن كورد داب و نه‌ریتی وایه كه: (مانگا، كه‌روێشك، بزن، مه‌ڕ، سوچه‌ڕ، ڕێوی، ماسی ، كۆتر، كه‌و و سوێسكه و هتد) ئه‌خۆن و له باوباپیرانه‌وه بۆمان ماوه‌ته‌وه. ئاوهاش باوباپیرانی مه‌غۆلی تورك، سه‌گخۆر بوون و ئێستاش ئه‌و توركانه‌ی له باكوری چین دان هه‌ر سه‌گ ده‌خۆن!
ئیدی كاكی ئیخوانی كورد تۆ بۆ ئه‌مه به جنێو ده‌زانی له‌سه‌ر خۆت!؟ ئه‌ی ئه‌ردۆگان چۆن به خه‌لیفه ئه‌زانی كه خودی ئه‌ردۆگان دژی ئه‌و خولقاندنه‌ی خوای په‌روه‌ردگاره كه كوردی به (زمان)ی خۆی هێناوه‌ته بوون و، ئه‌ردۆگانیش دژ به‌وه‌یه كه كورد به‌و زمانه‌ی خوا پێی به‌خشیوه بخوێنێت!؟
هه‌ركاتێك (فارس و تورك)ه مسوڵمانه‌كان به زمانی قورئان (زمانی عه‌ره‌بی) خوێندیان و كردیانه زمانی فه‌رمیان، ئه‌وكات كوردیش زمانی خۆی ناوێت و به عه‌ره‌بی ئه‌خوێنیت.
له‌كاتێكا ئه‌گه‌ر خوای خالق زمانی كوردی پێ خراپ و ناشیرین بووایه به (نه‌ته‌وه‌ی كوردی) نه ئه‌به‌خشی. ئه‌گه‌ر خودا نه‌ته‌وه‌ی كوردیشی پێ خراپتر له (تورك و فارس و عه‌ره‌ب) بزانیبایه ئه‌وا نیشتیمان و ژیریی و زمان و كلتوری تایبه‌تی نه‌ته‌وه‌ییانی پێ نه‌ده‌به‌خشین!
كه‌وابو: چۆن سوكایه‌تی نیه ئه‌گه‌ر بوترێت: (كوردی خۆخۆری مانگاخۆر، كوردی میدیای كۆترخۆر، كوردی خۆخۆری ڕێوی خۆر و هتد). ئاوهاش هیچ سوكایه‌تی نیه كه له نوسین دا بڵێی: (توركی سه‌گخۆری مه‌غۆلی). چونكه حه‌قیقه‌ته‌كان له مێژو و داب و نه‌ریت دا بوون و هه‌ن!
