عوسمان عومەر: ئایا گوشاریى ناو گۆرو ئەشکەنجە، ڕاستیە؟. بەشى چوارەم.
هەندێ ئایەت و فەرمودە خورافەى ئەشکەنجەى قەبر بەتاڵ دەکەنەوە:
گەر سەد ئایەتى قورئانى پیرۆز بەگوێی خەلکدا بدەى باوەرت پێ ناکەن، بەلام کە گوتت پێغەمبەرى خودا فەرمویەى گوێت لێ دەگرێ بۆ ئەوەى کەموکورى قورئان دەرخرێ و ئەو روایەتە مێژوویی و گوماناویانەى خۆیان، کە دەیگێرنەوە بۆ پێغەمبەرى خودا (د.خ )دواى چەندین سەدە رەنگبێ خۆشى ئاگادارى هەندێکى نەبێ, دیسان ئەوە دووبارە دەکەینەوە مرۆڤ خودا عەقل و بیرو هزرى پێداوە، کە بیرى پێبکاتەوە نەک بگەمژێنرێ و باوەڕ بەهەموو شتێ بکات.
بەراوردێکى قورئانى کە خورافەى ئەشکەنجەى گۆڕ رەت دەکاتەوە گەر ووردبینەوە لە سورەتى مۆمنون ئایەتەکانى ١٠٨,١٠٦,١٠٠,٩٩ بەرواردێک بکەین ئەوانەى لایەنگرى ئەشکەنجەى گۆڕن ناتوانن رەتى کەنەوە، کە خوداى پەروەردگار رەت دەکەنەوە دەفەرموێ (حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ * لَعَلِّي أَعْمَلُ صَالِحًا فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا وَمِن وَرَائِهِم بَرْزَخٌ إِلَى يَوْمِ يُبْعَثُونَ)، (قَالُوا رَبَّنَا غَلَبَتْ عَلَيْنَا شِقْوَتُنَا وَكُنَّا قَوْمًا ضَالِّينَ * رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ * قَالَ اخْسَئُوا فِيهَا وَلَا تُكَلِّمُونِ. بەپێى سورەتى سبأ ئایەتى ٣٨ کە دەفەرموێ والذين يسعون في اياتنا معاجزين اولئك فى العذاب محضرون ئەعوز بیلا کە نەزان بى لەرادەبەدەر چونکە القرءان حق و یهدى الى صراط العزیز الحمید ,بۆیە لە ئایەتى ٦ى سورەتى سبأ دەفەرموێ وَيَرَى الَّذِينَ أُوتُوا الْعِلْمَ الَّذِي أُنزِلَ إِلَيْكَ مِن رَّبِّكَ هُوَ الْحَقَّ وَيَهْدِي إِلَى صِرَاطِ الْعَزِيزِ الْحَمِيدِ
خواى پەروەدگار لە سورەتى نحل ئایەتى ١١١ دەفەرموێ (وَنَضَعُ الْمَوَازِينَ الْقِسْطَ لِيَوْمِ الْقِيَامَةِ فَلَا تُظْلَمُ نَفْسٌ شَيْئًا وَإِن كَانَ مِثْقَالَ حَبَّةٍ مِّنْ خَرْدَلٍ أَتَيْنَا بِهَا وَكَفَى بِنَا حَاسِبین) پرسیارەکە ئەوەیە بۆچى هەموو نەفیسێک چەندو چون لەگەڵ خۆى دەکات لە کۆتا ڕۆژ ئایا با وا دانێین دواى ئەشکەنجەیە وئایا زیندوبونەوە پشویەکە لە نێوان دوو ئەشکەنجە چۆن نەفس حەقى خۆى وەرگرێ لەوەى چى کردووە گەر خوداى پەروەردگار لە گۆڕدا دابێتى پێى، بەپێى سورەتى ابراهیم ئایەتى ٤٢ خواى پەروەدگار دەفەرموێ ولاتحسبن الله غافلا عما يعمل الظالمون إنما يؤخرهم ليوم تشخص الابصار) واتە ئەشکەنجەى هەون بەواتاى ئەشکەنجەى گۆڕ نایەت و ووشەى یوم و یومئذ تەنها بەماناى کۆتا رۆژ دێت واتە قیامەت بۆیە دەفەرموێ انما یۆخرهم لیوم تشخص الابصار…جارێکى تر خواى پەروەدگار گەر ئەشکەنجەى پێشترى دابێتن لە سورەتى ذاريات ئایەتى ١٢و١٤ دەفەرموێ ” یسألون ایان یوم الدین * یوم هم على النار یفتنون * ذوقوا فتنتکم هذا الذى كنتم به تستعجلون ” لەگەڵ ئەو هەمو راستیانەى کە لە قورئانى پیرۆزدا بۆچى دژى بونى ئەشکەنجەى گۆڕن.
ئایا مردووەکان گوێیان لە سلام کردن دەبێ:
یەکێکى ترە لەو بابەتانەى لەکۆنەوە تا ئیستا پێوەى گیرۆدە بوین لەسەردەستى ئەدعیاى سونەت بە ناراستى ئەویش بابەتى سلام کردن لە مردوو کاتێ دەچێتە سەرگۆڕ و وەک مناجاتێکى لیهاتوە بۆیە خوداى پەروەردگار لەسورەتى فاطر ئایەتى ٢٢ دەفەرموێ ” وما يستوى الاحياء ولا الاموات إن الله يسمع من يشاء وما أنت بمسمع من فى القبور ” بیستن و نە بیستن واتە لەکار کەوتنى دەزگاى بیستن بۆیە خواى گەورە بە پێغەمبەرەکەى دەلێت لە سورەتى نمل ئایەتى ٨٠ ” إنك لاتسمع الموتى ولاتسمع الصم الدعاء إذا ولوا مدبرين ” خاوەن بیروباوەرى ئەشکەنجەى گۆڕئەو ئایەتانە دیارى دەکەن کە تەنها بۆ کافرانە بە واتاى کافران گوێ بیستى ووتەکانى پێغەمبەرى خودا نەبون کافران وەک مردوەکە وان.
دیارە چیرۆکى ئەشکەنجەى گۆڕداستان و ڕیوایەتە:
پێش پەیدا بونى ئاینى ئیسلام نە لە تەورات نەلە ئینجیل دا ئاماژەیەک نییە بۆ ئەشکەنجەى گۆڕ واتە بیرۆکەکە ئاسمانى نییە, ئەفسانەو داستانە, پرسیار ئەوەیە کە نە لەتەورات ونەلە ئینجیل دا باسى لێوە نەکرابێ ئەى لە کوێوە سەرچاوەى گرتووە ؟ وەلامەکەشى ئەوە خورافەیە لە تەلمودیاتى جولەکەوە هاتوە,تەلمودیات کتێبى وضعین –دانراون وئاسمانى نین وئەوانەى نوسیویانە نە نێردراون نە پێغەمبەر بون بەلکو کەسانێکى زاناو بەهەرەدارى ئەو ئاینانەبون گوتویانەو نوسیویانە چون لەدواى پێغەمبەرى خودا (د.خ)چەندین زاناو بەهرەدارى موسلمانان پەیدابون ڕاڤەولێکدانەوەیان بۆ زۆر شت کردووە بەپێى بۆچون بیرو هزرى خۆیان بەستویانەتەوە بەهەندێ فەرمودەى خواى پەروەردگار وەک بەلگە بۆ ئەو کات وسەردەمە گرنگ بووە تا سەرنجى غەیرە موسلمان و موسلمانانیش بەلاى خۆیان دا ڕاکێشن وەک غەزالى وابن کثیرو ئیبن تەیمیەو ابن القیم و ابن عباس و سیوطى وچەندانى تر بۆ ئەو کات وسەردەمە زۆر گرنگ بووە چونکە عەقلیەتى مرۆڤى ئەو کاتە سادەو ساکار بووەو باوەری بەهەموو شتێک کردووە, ئیستا سەردەمەکە جیاوازە بیروهزرى مرۆڤ پێشکەوتوە! بۆیە دەبێ لۆژیکیانەو عەقلانى بیر لە هەندێ لەو شتانە بکاتەوە بۆ سەردەمى ئیستا گونجاو نییە.. بابەتى ئەشکەنجەى گۆرییش بەڕاى من هەر شتێکە لەو بابەتە.
لە عائیشەى هاوژینى پێغەمبەر (د.خ) دەگێرێتەوە ژنە جولەکەیەک کارە کەرى بۆ کردووە و هیچ پاداشتێکى نەدراوەتێ ژنە جولەکەکە پێى گوتوە وقاك الله عذاب القبر دواتر عائيشه پرسیارى لە پێغەمبەر (د.خ) کردووە هل للقبر عذاب قبل يوم القيامة؟ پێغەمەر فەرمویەتى نەخێر و فەرمویەتى كذبت يهود وهم على الله اكذب لاعذاب دون القيامة ” بۆیە خواى گەورە بە پێغەمبەرەکەى دەلێت لە سورەتى نمل ئایەتى ٨٠ ” إنك لاتسمع الموتى ولاتسمع الصم الدعاء إذا ولوا مدبرين ” جاریکى تریش لە سورەتى فاطر ئایەتى ٢٢ پێى دەفەرموێ إن الله يسمع من يشاء وما أنت بمسمع من فى القبور” پێش ئەوەى عائیشە پرسیارى لێبکات دەربارەى ئەشکەنجەى قەبر هیچى نەفەرموە چونکە هیچ وەحیەکى لەوبارەیەوە بۆ نەهاتوە,دواى خەلوەتێک کە گەڕاوەتەوە,عائیشە فەرمویەتى پێغەمبەرى خوا دواى هەموو نوێژێک” کان یستیعيذ من عذاب القبر, لەلایەن عائیشەوە ریوایەت کراوە موسلم نوێی کردۆتەوە سەرچاوە صحیح مسلم ٥٨٤ دخل على رسول الله صلى الله عليه وسلم وعندي امرأة من اليهود . وهي تقول : هل شعرت أنكم تفتنون في القبور ؟ قالت :فارتاع رسول الله صلى الله عليه وسلم وقال ” إنما تفتن يهود ” قالت عائشة : فلبثنا ليالي . ثم قال رسول الله صلى الله عليه وسلم ” هل شعرت أنه أوحي إلي أنكم تفتنون في القبور ؟ ” قالت عائشة : فسمعت رسول الله صلى الله عليه وسلم ، بعد، يستعيذ من عذاب القبر. جیاوازى لە گێرانەوە هەیە. گەر بەراوردێکى هەمان ریوایەت بکرێ کە لە صحیح بخارى بە ژمارە ١٣٧٢ عن عائشە(ر.ض) إن یهودیە دخلت علیها فذكرت عذاب القبر فقالت لها أعاذك الله من عذاب القبر فسألت عائشە رسول الله فقال نعم عذاب القبر حق فما رايت رسول الله (ص) بعد صلى صلاة إلا تعوذ من عذاب القبر. بۆنمونە خۆم نوکتەیەکم لاى هەندێ برادەر گێرایەوە,ماوەیەک بەسەرچو هەمان نوکتە بە شێوازى تر هەندێ زیاد و کەمى خرابوە سەر ئەى چۆنە سەدان ساڵ نالێم هەزاران ساڵ فەرمودەکانى پێغەمبەر(د .خ)زیادەیان نەخرابێتە سەر یا بەناوى خودى پێغەمبەرەوە گوترابن . لەم ڕۆژانەدا ڤیدیویەکم بینى مەلایەکى سعودى خۆى شین مۆر کردبۆوەو دەیگوت کاتێ پێغەمبەر لەدایک بووە وەک ئەوەى شەهادەت بێنێ هەردوو پەنجەى بەرزکردبیتەوە و بەخەتەنەکراوى لەدایک بووە ئایا ئەوە کوفرو ئیلحاد نییە؟ کەچى لەولاوە هەمووى بە روایەتى بێهێز ناودەبرێ وەک ابن القیم زۆر بەبێهیز ناوى دەبات وبەپێى سەرچاوە ئیسلامیەکان باپیرەى عبد المطلب لە رۆژى حەوتەمى دا خەتەنەى کردوە وناوى ناوە محمد. لەکۆتایی ئەم بابەتە هیوا خوازم زۆر بابەتى تر هەیە لۆژیکیانەو عەقلانى بیرى لێ بکرێتەوە.
لەکۆتایی ئەم بابەتە ئاماژە بەنوسینێکى لوئەى شەریف کە یەکێکە لەلێکۆلەرە سعودیەکان ودەلێت ووشەى نار واتە ئاگر لەهەموو کتێبە ئاسمانیەکان دا هاتووە بەلام ووشەى جهەنەم لە قورئانى پیرۆز لە ووشەی (غوهنیم )ى ئارامى وەرگیراوە و ئەو شوێنە دۆلێکە کە سولەیمان پێغەمبەر ئەوانەى لایان داوە یا کافربون ئەشکەنجەى داون.
لەسورەتى ئیبراهیم ئایەتى ٤ خوداى پەروەردگار لە قورئانى پیرۆز دەفەرموێ وَمَا أَرْسَلْنَا مِن رَّسُولٍ إِلَّا بِلِسَانِ قَوْمِهِ لِيُبَيِّنَ لَهُمْ ۖ فَيُضِلُّ اللَّهُ مَن يَشَاءُ وَيَهْدِي مَن يَشَاءُ ۚ وَهُوَ الْعَزِيزُ الْحَكِيمُ واتە هەموو پێغەمبەریک بەزمانى هۆزەکەى خۆى رەوانە دەکەین یا دەنێرین بۆئەوەى هەندێ شت هەیە بۆیان روون بکاتەوە راستە بەزمانەکەى خۆیان کە عەرەبیە, دیارە زۆر ووشە کە لەقورئانى پیرۆزدا هاتوە با عەربیش بوبن واتاکەی بەباشى تێنەگەیشتون بۆیە گەر پێغەمبەرى خودا(د.خ) گەر هەندێ لەو ئایەتانە یا ووشە نارونەکانى ناو قورئانى پیرۆزى بۆ هاوەلانى رونبکردایەتەوە ئەوا قورئان یەک لیکدانەوەى دەبوو ئەویش لیکدانەوەى پێغەمبەر(د.خ) دەبو ئیتر پیویستى نەبەلیکدانەوەى طبرى و نە غەزالى وتەیمیەو نە…..هتد نەدەبوو دواى وەفاتى خۆى.
سەرچاوەکان
٥٠- سورەتى مۆمنون ئایەتەکانى ١٠٨,١٠٦,١٠٠,٩٩
٥١- سورەتى سبأ ئایەتى ٣٨
٥٢- سورەتى سبأ ئایەتى ٦
٥٣- سورەتى نحل ئایەتى ١١١ دەفەرموێ
٥٤- سورەتى ابراهیم ئایەتى ٤٢
٥٥- سورەتى ذاريات ئایەتى ١٢و١٤
٥٦- سورەتى نمل ئایەتى ٨٠
٥٧- سورەتى فاطر ئایەتى ٢٢
٥٨- اسطورة عذاب…القبر / انترنيت
٥٩- صحیح مسلم ٥٨٤
٦٠- صحیح بخارى بە ژمارە ١٣٧٢
٦١- سایتى سپۆتنک / انترنیت
٦٢- سورەتى ابراهیم ئایەت
٦٣- سورەتى جومعە ئایىتى ٨
کۆتایی
