کاوسێن بابەکر: سەرۆک کۆمار، لەنێوان شەقام و فشاری حزبەکاندا.
دەست لەکار کێشانەوەی سەرۆک کۆمار لێکدانەوەی جیاجیای بۆ دەکرێ، بەڵام من پێموایە هەڵوێستێکی جوامیرانەبوو. کوتلەی بینا کە عامری و مالیکی سەرکردایەتی دەکەن، خۆیان بەکوتلە گەورەکە دەزانن بۆیە داوایان لەسەرۆک کرد کاندیدەکەیان وەک سەرۆک وەزیران بناسێنی بەپیی دەستور، بەڵام لە دۆخێکدا کە گەلی عێراق ڕژاوەنەتە سەر شەقام و ئەو بەر بژێرانە ڕەت دەکەنەوە. چۆن دەکرێ گوێیان لێنەگیرێ؟
ئایا کوتلەی ئەوان گەورەترە یان کوتلەی شەقام؟ چەندین سەرۆکوەزیران و حکومەت تێپەڕین و لەساڵی 2003ەو ئەو بەڕێزانە عێراق بەڕێوە دەبەن، هیچ چاکسازیەکیان نەک نەکرد. بەڵکو عێڕاقیان نغرۆی هەژاری و گەندەڵی و بێ سەروبەرەیی کردوە، پاش ئەوەی جەماوەری وەتەنگهاتوی بێ هیواوبرسیان لی راپەڕیوە، دانانی عێدانەکان چیان بۆدەکا؟ سەرۆک کۆمار ئەگەر لەپێناوی پۆستەکەی چووبا ژێرباریی فشاری ئەوان و ئێرانی پشتیوانیان، جگە لەزیادکردنی بێسروبەرەیی سیاسی و مەینەتی عێراقیەکان چی دەدا؟. مێژووش وەک کەسێکی ترسنۆک و هەلپەرست ناوی تۆماردەکرد. بەڵام ئەو پۆستەکەی واز لێهێنا و بوو بە ڕچەشکێن بۆ دوای خۆی و. سەرکردەکان چاوی لێبکەن و، گەل هەڵبژێرن بەرانبەر پۆست و پارە..
ئەو هەڵوێستە هەر بۆ دکتۆر بەرهەم گرنگ نەبوو، بەلکو بۆ کوردیش گرنگە کەوەک کوڕی میللەتیکی ئازادیخوازو دێموکرات لەگەل داخوازی گەلدایە لە هەر کات و لەهەر زەمەنێکدابێ.
