بەهرۆز جەعفەر: کورد ئەبێت حوکم بکرێت یان حوکم بکات؟

بەهرۆز جەعفەر

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

ئەم سی ساڵەی دوای ڕاپەڕین، یان ئەو چواردە ساڵەی کورد حوکمی تەنها شارێکی وەک کەرکوکی کردووە بەنمونە وەربگرین، ئەوا وەک مەکاتیبی سیاسیەکانی حیزب و شۆڕشگێڕەکانی خۆیان ئەڵێن: کارێکیان کردووە هەرگیز بەعس کاریی وەهای دژی میللەتی کورد نەکردووە».!. حیزبی کوردیی لە ڕێگەی هێرشکردنە سەر یەکتری ئەیانەوێ خۆیان بەرهەم بهێننەوە نەک لەسەر بەگژاچونەوەی داگیرکاریی و بوونێکی ستراتیجی دوورمەودا بۆ کوردستان. تا ئاستێکی باشیش تاکی کوردیی و نوخبەو میدیاوانەکانیشیان بارهێناوە لەسەر حیکایەتەکانی خۆیان.
سەیری بکە ڕێژەی دامەزراندن لە کەرکوک بۆ کورد تەنها 8٪ ـە. یەک حیزب و بەرپرسی کوردتان بینی شەڕ لەسەر ئەمە بکات؟!. له‌ناو كۆمپانیاى نه‌وتى باكور له‌ كه‌ركوكدا له‌ كۆى (14120) چوارده‌ هه‌زارو سه‌ت و بیست فه‌رمانبه‌ر ته‌نها (1600) هه‌زارو شه‌ش سه‌ت كه‌سى كوردن، له‌ (12) ده‌سته‌ هیچی كورد نیه‌، (52) به‌ش ته‌نها (4) به‌ش سه‌رۆكه‌كه‌یان كورده‌ ئەویش یەکێکیان دایکی تورکمانە. له‌ (800) یه‌كه‌ ته‌نها (52)یان كوردن. له‌ (280) هۆبه‌ ته‌نها به‌رپرسى (26) دانه‌یان كورده‌. ئەی باشە کورد ئیشی لە وەزارەتی نەوت و لە کەرکوک و لە ئەنجومەنی وەزیرانی بەغدا چی بوە؟… ڕوونە…چی بوە.!
ئەو پارێزگارە شۆڤێنییە عەرەبەی لە کەرکوک هەیەو، زۆرترین پێشێلکاری یاسایی دژی کورد کردوە لەشارەکە، زۆرترین ڕێز و سام و بەهای لای بەرپرسانی کورد هەیە. دەیان کەس لە کەسوکارەکەی داعش بون لای حیزبی کوردیی ئازادکراون. دە سەیری بکە و بیهێنە پێش چاوی خۆت ئەگەر تۆ پارێزگاری کەرکوک بیت وەکو کوردێک ڕۆژانە چەند کورد پەلامارت ئەدات؟. چەند بەرپرس خۆیت لێ ئەکا بە کاوە ی ئاسنگەر و چەند هێز و دەستەی جاسوسی کوردیی و چەند میدیای تەزویر و مەکینەکانی بەلاڕێدابردن ئیشت لەسەر ئەکەن!؟.