سەعید ناشید: دوو ڕویی ئاینى.
له‌ئاماده‌کردن و به‌رچفه‌کردن/ عوسمان عومەر
پێش ئه‌وه‌ی وورتاره‌که‌ی بخه‌مه ڕوو پێویسته خوێنه‌ری به‌رێز بزانێ سه‌عید ناشید کێیه؟ ئه‌م وتاره‌ی سه‌عید ناشید له‌ساڵی 2019 نوسراوه‌و له‌پێگه‌ی ساحه‌ی تحریر بڵاو کراوه‌ته‌وه‌و بەرچاوم کەوت و، به‌گرنگم زانی بەهەندێ دەستکاریەوە بخرێته به‌ردیدی خوینه‌رانی ئازیز. چونکە دیارە بارودۆخەکە لاى ئەوان و خۆشمان وێکدەچێ.
سه‌عید ناشید له‌دایک بووی ووڵاتی مه‌غریبه و له 15ی شوباتی سالی 1969 له‌دایک بووه… لێکۆله‌رێکه له‌بواری نوێگه‌ری ئاینی دا کار دەکات له‌گرنگترین کاره‌کانی التداوي بالفلسفة، الحداثة والقرآن، دليل التدين العاقل. چەند جارێ دراوەتە دادگا، کۆتا جار سەرفرازانە دادگا نەیتوانى هیچى لەگەل بکات و ئازاد کرا.
سەعید ناشید نوسیویەتى:
دووڕوویی ئەوەیە، کە هۆی نەهامەتی و کارەساتەکانمان بگێڕینەوە بۆدورکه‌وتنه‌وه‌مان لەخودا، لەگەڵ ئەوه‌ی ئێمه زیادترین گه‌لانی سه‌رڕووی زه‌وین که‌باوه‌ڕمان به‌بونی خودا هه‌یه‌و ده‌یپه‌رستین، یان هۆی سەرنەکەوتنمان هی ئەوەبێت کە ژنەکانمان ڕووتن، لەگەڵ ئەوەی کە ژنانی ئێمە لەهەموو ژنانی ئەم سەرزەمینە داپۆشراوترن. تۆ بلێى توڕەیی خودا لێمان بە هۆی ئەوانەوە بێت؟
• هەر بە هەمان لۆژیک مانای وایە پێشکەوتنی ئەمریکاو ئەوروپا، هی ئەوەیە کە خودا لێیان ڕازییە، بۆیە نیعمەتی خۆی بە سەردا باراندون و نەبێ بارانى تا نوێژە بارانە بکرێ ولەبەرخودا بپاڕێنەوە؟
• دووڕوویی ئەوەیە، کە چاکیش بزانی و بە ژمارە لەبەردەست بێت، کە ئەو کۆمەڵگایانەی، کە ئایین تێیدا زاڵە، گەندەڵ ترینن لە بەڕێوەبردن دا، زۆرترین بەرتیلی تیایە لە دەزگا دادوەرییەکان دا، درۆزن ترینن لە سیاسەت دا، پێشێل کارترینن لە مافی مرۆڤ دا، زۆرترین سوکایەتی و دەست بۆ ئافرەت بردنی تیایە، زۆرترین دەست درێژى کردنەسەر مندالى تێدا چاوپۆشى لێبکرێ، بەرۆژى رووناک کچ وژن لەسەر شەرەف بکوژرێن, بەرؤژى ڕووناک دزى لە قوتى خەلک بکەیت و کەچی بێیت و پێمان بلێى هۆی گەندەڵی ڕەوشتە، هی ئەوەیە ئایینتان لاوازە.
• دووڕوویی ئەوەیە، کە ببینی لە ئەفغانستان و پاکستان و میسر، ڕێژەی جاڕسکردن و سەرڕێ پێگرتنى ژنان بگاتە 90٪، کەچی بڵێی هۆی دەست بۆ بردن، جلی ژنانە.
• لەو دووڕووییە خراپتر تر نییە، داوای جێبەجێکردنی شەریعەت بکەی لە وڵاتەکەت دا، بەڵام خۆت کۆچ بکەی بۆ وڵاتێکی عیلمانى و کافر ولەوێ بژیت.
• لەو دووڕووییە ریسوایی تر نییە، کە داوای زۆرکردنی مادەی ئیسلام لە بەرنامەی خوێندنا بکەیت، کەچی مناڵەکانت لە خوێندنگەی فەرەنسی و ئەمریکی و بەریتانی بخوێنێ.
• دەبێ لەوە دووڕوویی ترو بێنرختر هەبێ، ئاڵای ئەمریکا بسوتێنی، لە بۆنەبێ بۆنە، بەڵام لەولاشەوە لە سەرەی درێژی، بەردەم باڵوێزخانە و کونسلخانەکانى دا بوەستابیت بۆ ڤیزەی ئەو وڵاتە.
• دووڕوویی مانای ئەوەیە، گوێ بە گەندەڵی و خۆدزینەوە لە باج نەدەیت، چاو لە گەندەڵی دادوەری بنوقێنی، بەبەرچاوتەوەگەندەڵی دامو دەزگاى خوێندن، تەندروستی، سەربازی، ئاسایش و… تاد، گەندەڵی وهێنانى کالا و دەرمانى خراپ و ساختە و ساغ کردنەوەى لەبازارەکان، ئەى گەندەڵی ئەوەنییە ڕێگا بەمافیای تلیاک وقاچاخی بدرێ هى خۆشت بێ بیگرى و بیفرۆشیتەوە،کەچی هەندێ بێن وبلێن تاوانى گەندەڵی تەنورەی کورتی ژنانێکە، یان دوان کە یەکتریان ماچ کردووە و رەخنە لە پەیکەرەکەیان بگیرێ و بشکێنرێ ئەى گەندەلى چییە کە تۆ پارەى دزراوى ئەم میلەتە سپى بکەیتەوەو مارکێت و بازارى گەورەی پێ دروست بکەى …. دووڕویی …. دووڕویی … دوڕوییەکان هێندە زۆرن نایەنە ژماردن.
دووڕوویی ئەوەیە، کە ببینی ئەنجێلا مێرکل خۆشگوزەرانی بۆ خەڵکەکەی دابین بکات، تێرێزا مای، سەرۆکایەتی بەریتانیا بگریتە دەست، زۆر ژنانی تر ببینی کە دەسەڵاتیان بە دەستە لە وڵاتەکانیان لە ئەوروپا، ئەمریکای باکوورو باشوور، ئوسترالیا، و ڕۆژهەڵاتی ئاسیا، سندوقى دراوی نێودەولەتی، دادگای نێودەوڵەتی، ژنان وەزیری بەرگری بن لە نەرویج و سوید و هۆڵەنداو ئیسپانیا و یابان، کەچی بڵێی ژن بە کەڵکی کاری گشتی نایەت.
دووڕوویی ئەوەیە، کە هەموو ژنانی جیهان، بەکەم ئەقڵ و دین، بە عەورەت و فیتی شەیتان و داری دۆزەخ بزانی، کەچی بەهەشت لە ژێر پێی دایکتا بێت.
دواکەوتنمان بەهۆی ئەوەوە نییە کە لە دین دوورین،، وڵاتە پێشکەوتووەکان بێدینن، بەڵام هۆی دواکەوتنمان، ئەوەیە، بە دوای هۆکانی پێشکەوتن دا ناگەڕێین رۆچوونمان هی گەندەڵیمانە، هی گەندەڵی سەرکردەکانمانە، کۆنەپەرستیمان دووری خستوینەتەوە لە زانست و فێربوونی زانستی، نەهامەتیمان هی ئەوەیە وا دەزانین خودا بەس هیدایەتى ئێمەی داوە!.
ئەگەر کافرێک و باوەڕدارێک خۆیان فرێ دەنە دەریاوە، ئەوە ڕزگاری دەبێت کە مەلە دەزانێ، چونکە خودا خەڵكی جاهیلی بە دڵ نییە.
دووڕوویی ئەوەیە بترسی لە گوتنی ڕاستی، لە ئاستی نادادی دا قڕوقەپ و ملکەچ بیت.
ئه‌ی ئه‌وه دوو ڕوویی ئێردۆغان نییە کەکردویه‌تی ودەیکات ده‌رحه‌ق گه‌لی کورد له‌باکورو له‌ڕۆژئاڤا وباشور ده‌ستێکی به‌قورئانه‌وه‌و ده‌سته‌که‌ی تریشی ئاگرو ئاسن باراندنه به‌سه‌ر خاکی باشور و ڕۆژئاڤا.. ئه‌ی ئه‌وه دوورویی ئاینی نییه که‌هه‌ندێ بۆ غه‌زه قوڕیان ده‌پێوا که چی تورک چه‌ندین داری سه‌دساڵه‌ی ئه‌و خاکه‌ی ئەوان له‌سه‌ری دەژین و هەواکەى هەڵدەمژن وورته‌و چرپه‌یه‌کیان لێوه نەهات، چونکه ئیخوانیەو ده‌چێته نوێژی ڕیایی جومعه‌و جه‌ماعه‌ت.
