نەبەز جەلال: گۆڕان، بە پێوەری زاڵم و مەزڵوم.

نەبەز جەلال

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

بە گشتی باسکردن لە فۆرم و ناوەرۆکی ڕێگا زانستییەکانی ھەڵکشان و داکشان، تێگەیشتن بە فراوانی لە بیرکردنەوەی سیاسی گۆڕان، وجودێکی کرداری بزوتنەوەی گۆڕان وون و کەمە!.
تا ئێستاش جیاوازیەکانی مانادار، لە دەربڕینی ئامانجی ھزری بزوتنەوەکەو خواستی ھاونیشتیمانی و بەرکەوتنی کردارییکەی خەڵک و، ئاڕاستەی بیرکردنەوەی زۆرینەی کۆمەڵگە بۆ گەیشتین بە خواستی خێرای بەرھەمە لۆکاڵی و ھەنوکەییەکان، بزوتنەوەکە دەکات بە دوو بەشی دابڕاوو جیاوازەوە!
بزوتنەوەی گۆڕان لە گەشەی ھزریی و بزاوتی گۆڕانکاریەکانی زانست و تێگەیشتنی خەڵکی کوردستانەوە سەرچاوە دەگرێ و دەجوڵێ. نەک لە خواستی ئارەزووەکانی کەسی، ئەرکی گواستنەوەی باری گران و، وویستی پێویستیەکانی ڕۆژ نییە، بۆ سەرکەوتن و بردنەوەی بەرەو سیاسی مەزڵوم لە زاڵمی دروستکراو.
بزوێنەری داھێنان و کۆبەرھەمی نوێکارییەکانی خەڵکەکەیە دەبێتەوە بە بنەماو، وە کەرەستەی ھەنگاونان و سەرکەوتنی بزوتنەوەی گۆڕان. ھەر ئەوەشە دەبێتە گوڕو، ووزەی دەستپێکی ھەنگاوەکانی چاکردنیشە بۆ نەھێشتنی سیستمی زوڵم و بێدادی، چەسپاندن و، تۆکمەکردنی دادپەروەری و یەکسانی بۆ ھەموان.
گەر بەو جۆرە خوێندنەوە و ھەنگاوە سیستماتیکییە سەیری گۆڕان بکەین، تێدەگەین کە گۆڕان ھێزێک نییە بۆ ململانێی شەڕی بەرەیی و سیاسی، بەڵکو ئاوەزێکی دینامیکییە بۆ پێشکەوتن و نوێبوونەوەی کۆمەڵگە. واتە مەرجێک نییە بۆ تێوەگلانی دۆخی بەرکەوتەو شەڕە سیاسییەکانی ئێستامان، بەڵکو چاوەڕوانییەکی پشوو درێژانەیە بۆ سەرکەوتن و ئاسودەیی گشتی داھاتوو.
لەم دۆخە ئاڵۆزکاو، و گێژاوەی ئەمڕۆماندا کە خەڵک لە ژێر سێبەرو چەپۆکی دەسەڵاتی سەپاوی حیزبدا دەژی، زۆرینە ڕاپێچی جۆرەھا ململانێی نەخوازراو نابەجێکراوە ئاوەز تێیدا وونە!
ئومێدی گۆڕانکاری زۆرینە لە تەنگەژە و گۆمێکی لیخن و قوڵی دەسەڵاتدا وەستاوەو بە ئەستەم دەجوڵێ؛ بۆیە ناکرێ لەم جۆرە پانتایی تێگەیشتنە تاریکەدا بگەڕێین بە دوای ناولێنانێکی پێناسەیی پڕاوپڕی دۆزراوەی مانادار کە گشت پرۆژەو کار و بەرنامەکانی بزوتنەوەی گۆڕان و ئاست و پایە زانستییەکەی لە شوێن و پێگەی خۆیدا پێبناسرێتەوە، کەتێیدا بۆتە ھەڵگری بەیداخی چاکسازی گشتی بۆ تەواوی خواستەکانی خەڵکی کوردستان.
بەدڵنیایی گۆڕان و گۆڕانکارییە بەردەوامەکانە دەتوانێت گۆڕانی زانستی لە ژیانی سیاسی خەڵکدا بخوڵقێنێ و شێوازێکی نوێترمان پیشانبدات و بمانگەێنێت بە ئامانجی کۆتایی، نەک شەپۆلە گۆڕانێکی کورت بۆ خواستی گۆڕانکاری گۆڕینەوەو، ئاڵوگۆڕێکی کەم و کاتی جوڵاوی گرژ و توند، کە تێیدا تەنھا دڵداکەوتنی تۆڵەکردنەوە و ھێوربوونەوەیەکی کورتی ئۆقرەگر ببێتە بەشێک لە دەستکەوتی مەزڵومیەت و بەس!
بێگومان بۆ سەرخستنی پرۆسەکەو بەردەوامی لە گۆڕاندا دەبێت ڕێگە دوورەکە ھەڵبژێرین و پشوو درێژبین ئەوکات لە ڕێگای جێبەجێکردنی یاساو سەروەرکردنییەوە دەتوانین دەستی زاڵمیەتیش کۆتایی پێبنین و، ڕێگە لە دروست بوونی مەزڵومیش بگرین.