نەبەز جەلال: بۆ لەیەک نەچین؟!

نەبەز جەلال

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

پاپای ڤاتیکان ووتی: دەبێت بگەڕێنەوە بۆ دینی ئیبراھیمی!
ناوبردنی دین لێرەدا دەگەڕێتەوە بۆ پێکەوە ژیانی ئاشتیانەی نوێتر لە ڕابووردوو.
شێوازەکانی شەڕی دین لە ڕۆژھەڵاتدا گەرچی بە مەرام و ئامانجێکی دیاریکراویش بوبێ کۆتایی ھات؛ ئیتر زەمەنێکی ترە بۆ پێکەوە ژیانێکی سەردەمیانە .
بایدن ووتی: دەمانەوێت روسیا دڵنیا بکەینەوە کە توانای شەڕی ئەلیکترۆنیمان ھەیە، دیار بوو نەیدەویست ڕاستەوخۆ باس لە شەڕی بایەلۆژی بێسنور زلھێزبکات!
ناوبردنی شەڕەکە بۆ دوورکەوتنەوەی شەڕی بەرەیی چین بوو؛ وەک ئەوەی بڵێ: بوکێ لەگەڵ تۆمە خەسوو گوێت لێبێ. دەمێکە ھێڵی بەرگری و سنوری جوڵەی بەرەنگار بوونەوەی بۆ خەتڕێژ و ئامادەدەکرێ.
ھاوپەیمانان لەشەڕەی دژ بە دیندا ھیچیان پێنەکراو، سەرکەوتوو نەبون، بۆیە جگە لە جیاکردنەوەی توندڕەوەکانیان و داماڵین و دورخستنەوەیان لە بەرەی پێکەوە کارکردنی دین، ھیچ ڕێگایەکی تریان لەبەردەستدا نەماوە تا ئامادەیی بکەن بۆ ژیانێکی نوێی ئەلەکترۆنی و داگیرکردنی مرۆڤایەتی ئەم سەردەمە.
بۆ ئەمەش ھەموویان تێگەیشتن، کە ئیشکردن لەگەڵ سیما بوکەڵەیی و ماسکە سیاسییەکان نایانگەیەنێتە کۆتایی و، دەبێت لەگەڵ پێکھاتەی سروشتی خەڵکەکە ھەڵسوکەوت بکەن و بگەنە بڕوایەکی نوێ بۆ ئاشتی.
لە ئەفغانستان تاڵیبانیان دەرکرد، بەڵام وەک پێویستییەکی سیاسی بۆ ئایندە ھێنانیانەوە، لە عێراقیش بەعسییە سونەکانیان ڕووخان، ئیتر وەک چارەسەر دروستیان دەکەنەوە.
لێرەوە دەتوانین بڵێین کوردستان و ئەفغانستان جیاوازن لە ڕووی پەیڕەوەوە، چونکە بەشێک لە کوردەکان تا ئێستاش بە نھێنی وەک دۆستی بەعسییەکان دیارن و بە بێدەنگی قبوڵیانن!.
بەڵام لەڕووی کێشەو گرفتی خزمەت و دروستبوونەوەوە، ھاوشێوەی یەکین و، بە ھەمان شێوازی گەندەڵی و بەڕێوەبردنی خەڵکەوە سەرقاڵن و لە دوو دیوی یەک دراوو دەچین، کە ھەر یەکەیان لە جێگایەکی جیاواز بە موفتی بۆسودی دیوەخان خەرج دەکرێن و میللەتیش وەک ئیفلاسێکی دەستی دەسەڵات لێیکەوتووە و ، بە چاوەڕوانییەوە خەریکی ووتنەوەی قەتاروڵا وەیسیە بۆ داھاتوی پڕ لە مەرگی نادیاری خۆی!.