لوقمان مستەفا: فڕۆکەی درۆن و پارسەنگی ھێز.
ھێرش کردنە سەر باشوری كوردستان بە فرۆکەی بێ فرۆکەوان « درۆن »لەلایەن دەوڵەتی توركەوە، پێش هەموو شتێك تاوانێكی ئاشكرا و پێشێلكردنێکی دیاری یاسا نێودەوڵەتییەكانە و بەقڕكردن و ئینكاركردنی گەلی کورد دادەنرێت. ئەم جۆرە لەشەر، نەک بۆ کورد، بەڵکو بۆ تەواوی دونیا شتێکی نوێیە.
لەئێستادا جیهان پێی ناوەتە سەردەمێكی نوێ لە شەڕ، شەڕێك دوژمن نادیار و قوربانیی و خەسارەتیش خەڵکی بێ دیفاع و بێتاوانە، ئەمە شەڕی فڕۆكە بێفڕۆكەوانەكانە كە پێیاندەوترێت« درۆن » ئێستا بوونەتە ژمارەیەكی ئێجگار قورس لە هاوكێشەی جەنگ و ناكۆكیی و ململانێ ناوچەیی و نێودەوڵەتییەكاندا، بەجۆرێکە کە لە شەرەکاندا دەوری یەکلاکەرەوە دەبینن.
ئەو جۆره فڕۆكانه به ته‌واوی ته‌رازووی هێزیان گۆڕیوە و كاریگه‌ری گه‌وره‌یان له‌سه‌ر جیهانی ئه‌مڕۆ هه‌یه، چونكه ده‌توانن بگه‌نه هه‌موو شوێنێك و هه‌ستیارترین زانیاری كۆ بكه‌نه‌وه و بۆردمانی پێگه هه‌ر گرنگ و ستراتیجییه‌كانیش بكه‌ن، له كه‌وتنه خواره‌وه و پێكرانیشیان هیچ زیانێكی گیانی لێ ناكه‌وێته‌وه، بگره ته‌نیا زیانی مادییه، بۆیه کەسی ھێرشبەر له مه‌رگ دوور ده‌خه‌نه‌وه و سوپا پێشكه‌وتووه‌كانی جیهان و كۆمپانیاكانی به‌رهه‌مهێنانی چه‌ك و ته‌كنه‌لۆجیای جه‌نگی كێبه‌ركێیانه له‌سه‌ر دروستكردنی جۆر و شێوازی پێشكه‌وتوو و به‌هێزتری درۆنه‌كان، چونكه ده‌زانن داهاتوو ئه‌و جۆره فڕۆكه‌یه گه‌وره‌ترین پێگه و شوێنی له ڕیزی سوپاكان ده‌بێت.
درۆن بە شێوەیەک پارسەنگی ھێزی گۆریوە نەک تەنھا کوردی بێ چەک و بێ پشت و پەنای شپرزە کردووە، تەنانەت کاری کردۆتە سەر پلانی سەربازی وڵاتانی زلھێزی وەک شەری نێوان ڕوسیاو ئۆکراینا بەتەواوی توشی شۆکی کردوون.!
بەکارھێنانی ئەم جۆرە چەکە لەلایەن دەوڵەتی تورکیاوە بەرامبەر بە میللەتێکی مەزڵومی وەک گەلی کورد خۆ بەڕوونی دیارە بۆ لەناوبردن و قڕکردنێتی، چونکە بوونی كوردە وەک نەتەوەیەکی زیندووی ناوچەکە، تورکیای فاشستی تووشی هیستریاکردووە.
لەبەر ئەوەی گومان لەوەدا نییە کە بوونی هێزەکانی پەکەکە تەنها ڕووپۆشێکە بۆ چەندین ئامانجی تر و بیانوێکی ئاشکراشە بۆ ڕەوایی دان بە دەستێوەردان و هێرشیی سەربازی، لەهەلومەرجی ئێستای عێراق و بەدیاریکراویش لە هەرێمی کوردستاندا.
پێشێلکردنی سەروەری خاکی عێراق و هەرێمی کوردستان له‌لایه‌ن ئه‌رته‌شی تورکه‌وه لەگەڵ ئەوەی دەبێت به‌زمانێکی توند شه‌رمه‌زار بکرێت، دەبێت بەپەلەش لە محفەلی دەولیدا داوای وەستاندی بکرێت.
چونکە ئەم هێرشە بە هەموو پێوەدانگە سیاسی و یاسا نێودەوڵەتیەکان بە پێشێلکردن و داگیرکردنی خاکی عێراق دادەنرێت. بۆیە نابێت به‌هیچ شێوه‌یه‌ک لێی قەبوڵبکرێت، کە تاهەنوکەش خاوەن سەروەری خۆیەتی و له هه‌مان کاتدا ئه‌م ته حه‌دایه وه‌کو هه‌ڕه شه‌یه‌کە له په‌یوه‌ندیه مێژوویه‌کانی نێوان گه‌لانی ناوچەکە بە گشتی و گەلانی تورکیا و عێراق بە تایبەتی، بۆیە ھێرشە درۆنیرکانی تورکیا بۆ سەر باشوری کوردستان بە پێشێلکردنی یاسای نیودەوڵەتی لەقەڵەم دەدرێت، چونکە ئەو یاسایەی کە لە ساڵی 1991 ه‌وه بووە هۆکاری سەرەکی دروست بوونی هاوپەیمانیەتی لە نێوان زیاتر لە 36 وڵاتانی رۆژئاو او رۆژهەڵات لە دژی داگیرکردن و بەزاندنی سەروەری دەوڵه‌تی کوەیت لە لایەن رژێمی بەعسی لەناوچوو. بەو پێوەرە سیاسی ویاساییە دەبێت توركیا بە دەست درێژیکار و بەداگیر کەر ئاژمار بکرێت لە پێشێلكردنی سەروەری خاکی عێراق، لەبەر ئەوەی حكومەتی توركیا بە پێی یاسا نێودەوڵەتیەکان تەنها بۆی هەیە سنوری خۆی بپارێزێ، بۆی نیە سنوری ووڵاتێکیتر ببەزێنێ، تورکیا دەیان كیلۆمەتر لەگەڵ عێراق سنوری هاوبەشیان هەیە، بۆیە ئەگەر سیاسەتی دووفاقی نەبێت ئەوا بە پێی ئەو یاسایە هەرداگیر کاریەک دەبێت هەمان چارەنووسی ڕژێمەکەی صدامی گۆڕبەگۆڕی ببێت.
هەر بۆیە دەوڵەتی تورکیا ئەم بێ دەنگی نێودەوڵەتیەی قواستۆتەوە،بێ ڕەچاوکردنی سەرجەم یاسانێودەوڵەتیەکان ڕێک خراوەکانی مافی مرۆڤی نێودەوڵەتی،لەسەر هەمان رێکەوتنامەی سەردەمی ڕژێمی بەعسی روخاو دەروات،کەپێشتر لە کۆتایی هەشتاکاندا کە ئەوکاتیش بەبێ ئەوەی هیچ جووڵەیەکی چەکداری لە باکوری کوردستان هەبێت، ساڵی 1978 تورکیا رێککەوتنامەی راوەدوونانی خێرای لەگەڵ عێراق ئیمزا کرد، بەپێی ئەم رێککەوتننامەیە تورکیا دەیتوانی بۆ سەرکوتکردنی هێزە چەکدارە کوردییەکانی نەیاری خۆی بە قوڵایی 5 کیلۆمەتر بێتە ناو خاکی عێراقەوە.
بە داخەوە تائێستا ئەم ڕێکوتنە هەڵنەوەشاوەتەوە،کە دەبوو نوێنەرانی کورد لە حکومەت و پەرلەمانی عێراق کاری جدیان بۆ بکردایەو هەڵیان وەشانایەتەوە، چونکە زۆربەی ئەو ڕێکەوتنانەی سەردەمی بەعس چ وەک یاسا ئەگەر هەبووبێ هەموارکراوەتەوە، وەڕێکەوتنەکانیش هەڵوەشێنراونەتەوە. تەنها ئەو یاساو ڕێکەوتنانە نەبێت کەلە دژی کوردە وەک خۆی ماونەتەوە.
لەبەر ئەوەی باشوری کوردستان تا ئێستاشی لەگەڵدابێت لە ڕووی یاسایی یەوە سەر بە دەوڵەتی عێراقە، کەواتە دەبێت دەوڵەتی عێراق بە ئەرکی خۆی هەستێت و لە ڕێگەی وەزارەتی دەرەوەی و نوێنەرەکەی لە نەتەوە یەکگرتوەکان ناڕەزایەتی خۆی بگەیەنێتە ناوەندی بڕیار لە ئەنجومەنی ئاسایش.
بەڵام ئەگەر بەم ئەرکە هەڵنەستا و بێ دەنگ بوو. حکومەتی هەرێمیش هیچ هەڵوێستێکی نەبوو،کە سەروەری خاکی عێراق و هەرێم پێشێل دەکرێت، ئەوە ئەگەر لە ئایندەدا گەریلا ( پەکەکە ) لە شەرەکاندا بەسەر دەوڵەتی تورکیادا سەرکەوتن و توانیان عێراق و ئەوناچانەی کەلەژێر ڕکێفی ئەواندایە لە ھەرێمی کوردستان بپارێزن لەدەست داگیرکاری تورکیا، کەواتە ئەوکاتە بۆیان هەیە خۆیان بڕیار لەسەر چارەنووسی ئایندەی ئەو ناوچانە بدەن کە بە خوێن پارێزگاریان لێکردووە،دەبێت عێراق و هەرێمی کوردستانیش بەو( دیفاکتۆیە ) ئەمری واقعە ڕازی بن.
- بابەتەکانی تری لوقمان مستەفا سالح
لوقمان مستەفا: هەڵبژاردن تەنھا ڕێگایە بۆ گۆڕانکاری.
-لوقمان مستەفا: لە پشتی یاساوە لە کەرکوک چی دەگوزەرێ!
-لوقمان مستەفا: داگیرکاریەک بە بەر چاوی جیھانەوە.
- All Posts