فەتاح تەنیا: میدیا وێنەگەورەكەی تاوانی هەڵەبجەی گواستەوە؟
كاتێك ڕووداوێك لە هەر ناوچەیەك ڕوو دەدات، دوای خۆی دنیایەك لێكەوتە جێدەهێڵیت، بەڵام گەر بێت و كارێكی تاوانكاری ڕووبدات و لە شارێك كە هەموو دانیشتوانەكەی بەرگازی كیمیاوی بدرێت و بەئەستەم بەشێك لە دانیشتوانەكەی دەربازیان ببێت، وەبەشێكی تریشی تووشی نەخۆشی درێژخایەن بوون و هەتاكو ئێستاش بە دەستییەوە دەناڵێنن و بێ چارەسەر ماونەتەوە.
شاری هەڵەبجە خاوەن پێگەیەکی بە هێزی ئابووری و کۆمەڵایەتی و کولتووری و شارستانییە، بەو پێیەی نوێنەرایەتی کۆبوونەوەیەکی فراوان لە دانیشتووان دەکات، لە خاڵێکی دیاریکراودا كە پەیوەستە بە ناوچەكی ستراتیژی گرنگە، هەروەها ئامرازەکانی بەرهەمهێنان و سەرمایە و بنکەیەکی چڕبوونەوەیە بۆ زۆرێک لە کەرتە بەرهەمدارەکان ( وەک كرەستەی پیشەسازی خاوو نەریتی و مۆدێرن، و هەندێکجار کشتوکاڵ، و چالاکییەکانی بەڕێوەبردن، جگە لە ئەرکە کولتووری و کارگێڕی و کۆمەڵایەتییەکان.کە شێوازێکی ناوازەی ژیان و مامەڵەکردن و چوارچێوەیەکی تایبەتی شارستانی دروست دەکات، کە گرنگترین تایبەتمەندییەکانی بریتین لە فرەچەشنی، کۆنتراست، چڕی و درێژکردنەوە لایەنە هەمەجۆرەكانی تری ژیان، ئەمەش لە سایەی گواستنەوەی میدیاوەیە.
بۆیە شارەکان بەپێی ئەو سەردەمە مێژووییە جیاوازن کە تێیدا دامەزراون لەم ڕوانگەشەوە جیاوازی هەیە لە ڕێکخستنی شارەکان بەپێی ڕابردووی مێژوویی و گرنگی شارستانیەتی كوردی، بەهۆی کاریگەرییە قووڵەکانی لەسەر ئاستی پێکهاتەی نەتەوەیی و خاک ڕەنگیداوەتەوە.
ئەگەرچی شاری هەڵەبجە خاوەنی كۆمەڵێك لە قوربانیدانە لە سەر ئاستی كوردستاندا، كە هەڵەبجە بەر جینۆساید كەوتووە و بووە بە ئەمری واقیع لە سەر ئاستی جیهانیدا، كە میدیا هۆكارێكی گرنگ بوو بۆ گواستنەوەی ئەو نەهامەتییە، بەڵام بەپێی ئەو نەهامەتیەی كە بەسەر ئەم شارەدا هاتووە نەیتوانییەوە لەوە دەربچێت كەشارێكی جیهانی بێت، ڕاستە میدیا وێنەگەورەكەی تاوانی هەڵەبجەی گواستەوە، بەڵام ئەم وێنە گەورەیە لە سەر زەمینی جیهانی كاریگەری دروست نەكرد و نەسەلمێنرا، ئەمەش بە چەند هۆكارێك لە كاتی بڕیاری دادگایی سەرانی ڕژێمی بەعس لەسەر كیمیاباران كردنی شاری هەڵەبجە بە زوویی تاوانبارەكان لە سێدارەدران و كۆتایی بە پرۆسەكە هات، بۆ ئەوەی ئەو دیوی كیمیاباران كردنە بە دەرنەوكەوێت ئەویش كۆمپانیاكانی وڵاتانی زلهێز بوو، چونكە مانەوەی تاوانباران و درێژەدان بە دادگایی كردنیان و ئاشكراكردنی بە دەستخستنی چەكی كیمیا لەلایەن ڕژێمی بەعس و دروستكەران و پێدانی ئەمە چەكە قۆناغی ئەم شارەی دەبردە ئاستێكی تری جیهانی بۆ گەڕانەوەی مافەكانی. لەم ڕوانگەیەوە دەكرێت میدیا بەردەوام وێنەی قوربانیان بگوێزێتەوە، و دامەزراوەكانی میدیا بانگێشتی پسپۆڕانی بواری سینەمایی بكەن بۆ ئەم شارە بۆ ئەوەی وێنە و چیرۆكە ناخهەژێنەكان ببینن، گەرچی پرۆسەی دادگایی كۆمپانیاكانی پێدانی چەكی كیمیایی جێبەجێ نەكران و ڕووی ڕاستەقینەی پشت ڕووداوەكان ئاشكرانەكران، بەڵام ڕۆژی ڕووخاندنی گەورەترین دیكتاتۆری ناوچە بۆ هەموو خەڵكی كوردستان و بەتایبەتی شاری هەڵەبجە و كەس و كاری قوبانیانی ئەنفال دڵخۆشییەكی زۆر بوو.
