فەتاح تەنیا: ئامانجەكانی دەسەڵاتی كوردی و هەژماری من.
خاڵی وەرچەرخانی هەر دامەزراوەیەك جگە لەوەی خزمەتگوزاری پێشكەش دەكات، دەبێت متمانەش دروست بكات لە نێوان بەكارهێنەرەكانیدا. دوای (33) ساڵ لە حكومڕانی كوردی، هێشتا بە تاڵانی بردنی سەروەت و سامانی میللەت و فرامۆش كردنی خواستەنەتەوەییەكان و وتاری بێ كردار و لە ناوبردنی ئاواتی هەزارەها گەنج، كەچی بۆ هەژماربانكییەك تێكڕا هاتوونتە سەرخەت، خۆزگە نیو ئەوەندەش بۆ پرسی هەڵەبجە و ئەنفال بهانایاتە سەرخەت، لە بەر ئەوەی هەڵەبجە و ئەنفال خواستەكانی ئێوەی تێدا جێنابێتەوە لە ئێستادا، بەڵام لە ڕابردوو مامەڵەتان پێوە دەكرد.
ئامانجەكانی دەسەڵاتی كوردی بۆ هەژماری من ئەمەیە:
1- قازانج
بەڕێوەبەرایەتی بانک هەمیشە هەوڵ دەدات زۆرترین قازانجی مومکین بۆ خاوەن بانکەکە بەدەستبهێنێت، چونکە پێوەری سەرەکی بۆ ڕادەی کارایی بەڕێوەبردن قەبارەی ئەو قازانجانەیە کە بەدەست دەهێنێ، ئەگەر بەڕێوەبردن قازانجی زیاتری بەدەستهێنا، ئەمە مانای ئەوەیە کە زیاترە کارامە لە چاو ئەوانی تر. بۆ ئەوەی بانکەکە قازانج بەدەست بهێنێت، دەبێت داهاتەکەی زیاتر بێت لە تێچوونەکانی، كەواتە لە هەرێمی كوردستان هیچ جۆرە یاسایەك نییە ، كە مافی هاوڵاتییەكانی وەربكرێتەوە سەبارەت بە هەژماری من، چونكە دەسەڵاتی كوردی خۆی لە سەروویاساوە دەبینێتەوە.
2- نەختینەیی
توانای بانکە بۆ جێبەجێکردنی ئەرکەکانی کە بە توانای ڕووبەڕووبوونەوەی پارەی وەبەرهێنەران، داواکاری قەرز و هەر داواکارییەکی دارایی، یان پێویستییەکی تر نوێنەرایەتی دەکرێت. ئەمەش بەو مانایەیە کە بانکە بازرگانییەکان دەبێت ڕێژەیەکی نەختینەیی بپارێزن کە بتوانن لە هەر ساتێکدا ئەرکەکانیان جێبەجێ بکەن، بەو پێیەی تەنها دەنگۆی ئەوەی کە بانکەکە نەختینەی پێویستی نییە، بەسە بۆ ئەوەی متمانەی وەبەرهێنەران هەڵبشێوێنێت و لەناکاو پاڵیان پێوەبنێت بۆ وەرنەگرتنەوەی پارە دانراوەکانیان، کە لەوانەیە بانکەکە بخاتە بەردەم ئیفلاسەوە.
3- متمانە
بانکە بازرگانیەکان زۆر هەوڵدەدەن بۆ دابینکردنی زۆرترین بڕە زەمانەت بۆ وەبەرهێنەران بە دوورکەوتنەوە لەو پڕۆژانەی کە پلەیەکی بەرزی مەترسییان هەیە و فرەیی ناوچە جوگرافییەکان کە بانکەکە خزمەتیان دەکات، چونکە ئەمە دەبێتە هۆی گۆڕانکاری لە کڕیاران و چالاکییەکانیان و هەروەها گۆڕانکاری لە ڕادەی هەستیاری ئەو چالاکییانە بەرامبەر بە بارودۆخی ئابووری گشتی، لە هەرێمی كوردستاندا زۆربەی مووچەخۆران باوەڕ و متمانەیان بە حكومەت لاوازە یان هەر نەماوە، چ جای هەژماری من، ڕەنگە لەم هەژمارەدا دوای ساڵێك وەرگرتنی مووچەی مووچەخۆران لەم هەژماردا دوای بڵێن ئیفلاسی هێنا، تەنها ئەوەی باجەكەی دەدات مووچەخۆرانە وەك لە بیرتانە ( بەغدا موفلیسە)
4- بەرپرسیارێتی کۆمەڵایەتی
بانکی نێودەوڵەتی بە پابەندبوونی خاوەن بزنسەکان بۆ بەشداریکردن لە گەشەپێدانی بەردەوام لە ڕێگەی کارکردن لەگەڵ کارمەندەکانیان، خێزانەکانیان، کۆمەڵگەی ناوخۆیی و کۆمەڵگە بە گشتی بۆ بەرزکردنەوەی ئاستی ژیانی خەڵک بە شێوەیەک پێناسەی کردووە، کە لە هەمان کاتدا خزمەت بە بازرگانی و گەشەپێدان دەکات.
دەتوانین بڵێین بەرپرسیارێتی کۆمەڵایەتی ئاراستەیەکی ستراتیژی و کۆمەڵێک پراکتیکە کە بانکەکان خۆبەخشانە دەیگرنەبەر بۆ بەجێگەیاندنی ئەرکەکانیان بە شێوەیەکی کاریگەر بە لەبەرچاوگرتنی کێشەکانی کۆمەڵگە و ژینگە و تێکەڵکردنیان بە ستراتیژی و چالاکییەکانیان و پەیوەندییەکانیان لەگەڵیدا، هەژماری حكومی سەركوتووە بۆ ئەم پرسە، بەڵام هەژماری ئەهلی هەموو كاتێك قابلی ئیفلاس هێنانە.
هەژماری من كەرەستەیەك بۆ ڕاكێشانی پارە لە مووچەخۆران و پڕ كردنی گیرفانی بەرپرسان، نەك خزمەتكردن.
