یەریڤان شەهید شاسوار: شاجوانی زانکۆ و ریکلامێکی بەهێز بۆ دکتۆری جوانکاری.
وتاریکورد ماڵپەرێکی سەربەخۆ و ئازادە
لەم چەن ساڵەی دوایدا زانکۆکان لە ناوەندی ڕۆشنبیری و کێبرکێی زانستیەوە گۆڕا بۆ ناوەندی خۆنمایشکردن، بەداخەوە.
لای من هەموو مروڤەکان جوانن بەتایبەت ئەوانەی جوانیان لە هەڵسوکەوت و مامەڵەیاندا ڕەنگ دەداوەتەوە. جوانترین خوێندکاریی زانکۆیش ئەو خوێندکارەیە کە لەگەڵ بەردەوام بونی لە خوێندن، کارێک ئەکا بۆ دابینکردنی بژێوی ژیانی خۆی و خێزانەکەی. جوانترین کچیش ئەو کچیە کە هێشتا روخساری دکتۆری جوانکاری نەبینیوەو، هێشتا خاوەنی لوتی راستەقینەی خۆیەتی، هێشتا بە حزوری بوتۆکس و فیلەر نەگەشیتووە.
ئەو کچەی کە سادەیی لە ئاوەوە وەرگرتوە ئەو ئاوفرەتەی هاوڕێی کتێب و ژیان دوستی یە، نەک ئەوانەی هەر ڕۆژەی بە جلێکەوە، هەر ڕۆژەی بە رەنگی قژێکەوە، نمایشی جەستەی نیمچە ڕوتی خۆیان ئەکەن .
بەداخەوە، زانکۆ لە گۆڕاندایە، من ناوی نانێم گۆڕانی بەرەوپێش چونی زانستی. بەڵکو وا خەریکە ئەبێت بە بازارێک بۆ ڕیکلامی جوانترین و گرانترین مۆدێلی ئۆتۆمبێل. کورتترین و تەسک ترین تەنورە بووە بە بازاڕی ڕیکلام بۆ مارکەکانی میکیاج و نمایشە سەیرو سەمەرەکانی کوران. ئەگەر زانکۆ بەم شێوەیە بەردەوام بێ لە داهێنان، ئەبێ ناوبنری مەڵبەندی ڕیکلام و نمایشگای بەرزترین مۆدیلی کاڵا.
بەداخەوە زانکوکانی ئێمە لە ڕیزبەندی زانکۆکانی جیهاندا ئەبێ لە دوای دواوە بۆی بگەرێین، لە جیاتی یەک پۆشی و گەڕانەوەی شکۆی ناوەندی زانستی و ئەکادیمی بۆ زانکۆ، لە جیاتی پێشبڕکێ بۆ بەرزکردنەوەی ئاستی زانستی و مەعریفی وا پێشبڕکێی، جوانترین نەشتەرگەری تەجمیل و ناسکۆڵەترین ڕوخسار ئەکرێ، بۆیە ئەی ئەو کەسەی وێڵی دوای نان و ژیانی، تۆ لە ڕیزیی نەویستراوەکانی. بەڵام لای من دەستی شەقاربووت هەموو زانکۆکانی دونیا دێنێ. تکایە فریای زانکۆکان کەون، خوێندکارەکان بەرەو هەڵدێر مەبەن.
وتاریکورد ماڵپەرێکی سەربەخۆ و ئازادە
- بابەتەکانی تری وتاریکورد
-
نەوزاد بەندی: ئەدەب چییە؟
- -
ڕێبوار عابد محەمەد: بیركردنەوەی ڕەخنەگرانە.
- -
ئالان فەرمان: مەسرور بارزانی دوولەتبوو.!
- All Posts